विशेष अनलाइन । यम शेर्पाको डेब्यु निर्देशनमा बनेको चलचित्र ‘कार्साङ’को टिजर सर्वजानिक भएको छ । सार्वजानिक टिजरमा गरिबी, अभाव, निसन्तानपनले दिएको शास्ती र त्यसले दाम्पत्य जीवनमा सृजना गर्ने श्रीमान् श्रीमतीबिचको गतिबिधिलाइ देखाइएको छ । ऋण, सरसापटले काम चलाउने ग्रामीण परिपाटी, एकजोर नयाँ लुगाका लागि सन्तानले गरेको अपेक्षा पूरा गर्न नसक्ने अभिभावकको चरम गरिबीलाइ टिजरमा उतार्न खोजिएको छ ।
शेर्पा समुदायको संस्कृतिमा आधारित चलचित्रमा दयाहाङ राई, सिर्जना निङलेखु, जितु नेपाल, दीया मास्के, बुद्धि तामाङको मुख्य भूमिका रहेको फिल्ममा सृष्टि गौतम, डोमा ह्योल्मो, प्रेम लोप्चन, सुरवीर पण्डित, कविता आले, कर्मा शेर्पा, छोकी शेर्पा, सभ्य दीप गौतम, बिमल पुरी, दिलीप पन्त, छिरिङ शेर्पा, पवन कुमार गोले, अमृत शेर्पालगायत कलाकारहरुको अभिनय रहेको छ । चलचित्रमा बालकलाकारमा राशी लिम्बु, सोहन थापाको समेत अभिनय छ ।
चलचित्रमा मनोज थापा मगर, एसडी योगी र बिशो डोङको संगीत रहेको छ । यार्सा फिल्म्स र पुरुषोत्तम प्रधान फिल्स् को प्रस्तुतिमा चलचित्र ‘कार्साङ’ निर्माण भएको हो । चलचित्रको पुरुषोत्तम प्रधान छायांकार र निर्माता हुन् । चलचित्रको सह–निर्माता गोविन्द बोहरा, कार्यकारी निर्माता आङछिरिङ शेर्पा हुन् । लाइन प्रोड्युसरमा वीरेन्द्र शाही रहेका छन् । चलचित्र पुस २६ गतेदेखि सार्वजनिक प्रदर्शनमा आउने भएको छ ।
Discussion about this post