विशेष अनलाइन । शंकर अधिकारी ‘घायल’ को लेखन तथा निर्देशन रहेको चलचित्र ‘सुस्केरा’ को छायांकन सकिएर पोस्ट-प्रोडक्सनको काम सुरु भएको छ । चलचित्र सत्य घटनामा आधारित रहेको निर्देशक ‘घायल’ ले जानकारी दिएका छन् ।
एक सडक बालकको कथालाई मुख्य आधार बनाइएको ‘सुस्केरा’ ले समाजको यथार्थ चित्रण गर्ने बताइएको छ । आफूमाथि आत्मनिर्भर नभए पनि अरूका लागि बाँच्न चाहने एक बालकको मार्मिक कथा यस चलचित्रमा समेटिएको छ ।
चलचित्रमा बालकलाकार शुभम अधिकारी, हार्दिक पौडेल र नायरा प्रसाईं मुख्य भूमिकामा रहेका छन् । साथै, चलचित्रमा शर्मिला शर्मा, दिनेश कोइराला, डा. ओमकृष्ण प्रसाईं, उषा किरण अधिकारी, मनिषा श्रेष्ठ, सन्जित श्रेष्ठ, कल्पना भुजेल, उमेश मगर लगायत अन्य कलाकारहरूको पनि अभिनय रहने छ ।
चलचित्रको निर्मार्ता डा.ओमकृष्ण प्रसाईं, मोहन गमाल र मनोज अधिकारी हुन् ।चलचित्रमा कुमार मानन्धरको छायांकन, मदन न्यौपानेको शृङ्गार र सुरेश पाण्डेको नृत्य निर्देशन रहेको छ ।चलचित्र ममता रायमाझीको प्रस्तुतिमा कर्मविर मल्टिपर्पोज इन्भेस्टमेन्ट प्रालिको ब्यानरमा निर्माण भएको छ ।
गीतमा डा.ओमकृष्ण प्रसाईं र शंकर अधिकारी ‘घायल’ को शब्द तथा ‘घायल’ कृष्णको संगीत रहेको छ । गीतमा नित्याशिवा र कृष्ण भट्टराईको स्वर रहेको छ । चलचित्रको डिजिटल पार्टनर ओएसआर डिजिटल रहेको छ । आरआर फिल्मसले वितरण गर्ने यो चलचित्र आगामी मंसिर महिनाको छेको पारेर प्रदर्शनमा आउने तयारीमा रहेको छ ।
Discussion about this post