विशेष अनलाइन । निर्देशक कृषा चौलागाईंको नयाँ चलचित्र ‘जहाजैमा’ मा लोकप्रिय अभिनेता सौगात मल्ल अनुबन्धित भएका छन् । चलचित्रको मुख्य भूमिकामा अभिनय रहने गरी मल्ललाई अनुबन्धित गरेको हो ।
सौगात मल्लले यो चलचित्रको कथा अरू चलचित्रभन्दा फरक भएकोले आफू आकर्षित भएको बताए । उनले चलचित्रका लागि नयाँ शैलीमा अभिनय गर्ने तयारी गरेको बताएका छन् ।
यसअघि नै हास्यकलाकार केदार घिमिरे (माग्ने बुढा) र जापानीज अभिनेत्री रुजेल इचिमिया चलचित्रका लागि अनुबन्धित भइसकेका छन् । चलचित्रको छायाँकन पुरुषोत्तम प्रधान गर्नेछन् ।
हाल चलचित्रको प्रि-प्रोडक्सनको काम तीव्र गतिमा चलिरहेको निर्माण पक्षले जानकारी दिएको छ । यूएनए प्रोडक्सनको ब्यानरमा उज्ज्वल गुरागाईंले निर्माण गर्न लागेको यो चलचित्र नेपाल, जापान र फिलिपिन्समा छायाँकन गरिनेछ ।
Discussion about this post