विशेष अनलाइन । राजन भुषालले निर्देशन गरेको चलचित्र ‘एक्टर : टेक वन’को टिजर सार्वजनिक भएको छ । चलचित्रको टिजर शुक्रबार ओ.यस्. आर् डिजिटल युट्युब च्यानल मार्फत सार्वजानिक गरिएको हो । टिजरले चलचित्रको कथावस्तुबारे महत्वपूर्ण खुलासा गरेको छ ।
चलचित्रको ‘ टिजर हेर्दा लाग्छ, ‘एक्टर’ प्रदीप र राजवल्लभ आमनेसामने हुँदाको कथा हो । दशकपछि चलचित्रमा फर्किएका राजवल्लभको दृश्य उनका फ्यानका लागि भिजुअल ट्रिट अवश्य हो । दिब्याले यो चलचित्रबाट घरेलु चलचित्रमा अभिनय करिअर थालेकी हुन् । उनी अभिनेता दिलिप रायमाझीकी छोरी हुन् ।
कार्तिक १५ (लक्ष्मी पूजा)को दिन बाट सार्वजनिक प्रदर्शनमा आउने चलचित्रम प्रदीप, आना र दिव्या सहित राजबल्लभ कोइराला, दिव्य देव, उषा रजक र सुशील सिटौला लगायत कलाकारहरुको अभिनय रहेको छ ।
अदृत फिल्मस् र मोती फिल्मस्को संयुक्त प्रस्तुति रहेको चलचित्रको निर्माता थमन कुमार भण्डारी हुन् । अनिश भुसाल सह–निर्माता र क्रिएटिभ प्रोड्युसर मोती कार्की हुन् । आकाश बराल र राजन भुसालले चलचित्र संयुक्त रूपमा लेखेका हुन् ।
चलचित्रमा नरेन्द्र मैनालीको छायाङ्कनर निमेश श्रेष्ठको सम्पादन रहेको छ । चलचित्रमा हर्कुलस बस्नेत, रोहित शाक्य र एलिस कार्कीको सङ्गीत छ । शिशिर खाती र किरण थापाको कोरियोग्राफी रहेको चलचित्रमा अष्ट महर्जनको द्वन्द्व छ ।
Discussion about this post