चलचित्र ‘मायावी’को प्रदर्शन मिति हेरफेर, पुस २६ गते प्रदर्शनमा आउने

विशेष अनलाइन । दीवाकर भट्टराईले निर्देशन गरेको चलचित्र ‘मायावी’को प्रदर्शन मिति हेरफेर भएको छ ।यसअघि कात्तिक १५ गते लक्ष्मीपूजामा प्रदर्शन गर्ने भनिएको चलचित्रको प्रदर्शन मिति परिवर्तन गरेर पुस २६ गते सारिएको हो ।

नयाँ चलचित्र ‘नरसिंहा’को छायांकन र विभिन्न कारण चलचित्र पहिले निर्धारित मितिदेखि पछाडि सार्नु परेको निर्देशक भट्टराईले जानकारी दिए ।

चलचित्रमा पल शाह , दीपिका प्रसाईं सुशील सिटौला, समिम खान, करिष्मा श्रेष्ठ, प्रशान्त ताम्राकार, लक्ष्मी गिरी, रवि डंगोल, राजाराम पौडेल, अंशु महर्जन, रमा प्रसाईं लगायतका कलाकारहरुको अभिनय रहेको छ ।

क्रिएटिभ सिने आट्र्सको प्रस्तुतिमा निर्माण भएको ‘मायावी’मा राजु थापाको डीओपी, एसडी योगीको संगीत, राम अविरलको गीत रचना रहेको छ ।चलचित्रका निर्माता राज कटुवाल,चन्द्र पन्त र ध्रुव प्रसाद न्यौपाने हुन् । प्रविन भट्टराई र करण सिंह कार्यकारी निर्माता रहेको चलचित्रको सह–निर्मातामा राजु पराजुली, रमा प्रसाईं र सुमित ओली छन् ।