महालक्ष्मी महाभैरव मन्दिरमा शुभसाइत गर्दै चलचित्र ‘ममी’को छायाङ्कन सुरु

विशेष अनलाइन । समर निरौलाले निर्देशन गर्ने चलचित्र ‘ममी’को छायाङ्कन सुरु भएको छ । राष्ट्रिय चलचित्र दिवस र विश्वकर्मा पूजाको अवसरमा मंगलबार लुभुस्थित महालक्ष्मी महाभैरव मन्दिरमा शुभसाइत पूजा गर्दै चलचित्रको छायांकन शुरु गरिएको हो ।

प्रियंका कार्की, सुलक्षण भारती र दीया मास्केको मुख्य भूमिका रहेको चलचित्रमा समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, रिना ढकाल लगायत कलाकारहरूको अभिनय रहने भएको छ ।

पूर्णिमा जोशी र निर्देशक निरौलाको संयुक्त लेखन रहेको चलचित्रलाई लोकराज जोशी र पूर्णिमा जोशीले निर्माण गरेका हुन् । यस चलचित्रलाइ शरद महतोले खिच्ने छन् । हरर जनराको यो चलचित्र सो ट्वान्टीफाईभ ब्यानरमा निर्माण हुन लागेको हो । ३० दिनमा पहिलो चरणको छायांकन सकिने र तिहारपछि दोस्रो चरणको छयाांकन गर्ने जानकारी निर्मात्री जोशीले दिइन् ।