विशेष अनलाइन । मिलन चाम्सले निर्देशन गरेको चलचित्र ‘वर एन्ड वधु’ आज (शुक्रबार)बाट प्रदर्शनमा आएको छ । आज बाट प्रदर्शनमा आएको चलचित्र ‘वर एन्ड वधु’ले एकल प्रदर्शन अवसर पाएको छ । अभिनेत्री आँचल शर्मा र नव अभिनेता विवेक कर्माचार्यको शीर्ष भूमिका रहेको चलचित्र आजबाट देशभरका हलमा लागेको हो।
चलचित्र ‘वर एन्ड वधु’ले मल्टीप्लेक्समा राम्रो शो पाएको छ । चलचित्रले प्रदर्शन अघि पोखरा र काठमाडौँमा प्रिमिएर गरेको थियो । प्रिमिएर राम्रो प्रतिक्रिया पाएको चलचित्रको अग्रिम टिकट बुकिङ भने उत्साहजनक देखिएको छैन ।
सुखद् शो सहित प्रदर्शन आरम्भ गरेको चलचित्रमा आँचल र विवेकसहित विजय लामा, गरिमा शर्मा, विजु पार्की, किरण केसी, सरिता लामिछाने, कुसुम शर्मा, सृष्टि खड्का, हिमेश पन्त लगायत कलाकारहरूको अभिनय रहेको छ।
जानुका थापा निर्माता र डा। अमित रिजाल कार्यकारी निर्माता रहेको चलचित्रमा सुदिप बरालको डीओपी, प्रदीप भारद्वाजको कथा, पटकथा र संवाद रहेको छ ।
Discussion about this post