कोच दीप कोरोना संक्रमण मुक्त

बिशेष अनलाइन । ‘दि भ्वाइस अफ नेपाल’का निर्णायक, गायक दीप श्रेष्ठ कोरोना संक्रमण मुक्त भएका छन् । श्रेष्ठ कोरोना संक्रमण मुक्त भएको गाएक प्रमोद खरेलले पुष्टि गरेका छन् ।

उनी कोरोना मुक्त भए पनि अस्पतालबाट डिस्चार्ज भने भएका छैनन् । अस्पतालले केही दिन भित्रमा डिस्चार्ज दिने तयारी गरेको पनि गायक खरेलले बताएका छन् ।
गायक खरेलले फेसबुकमा एक स्ट्याटस लेखेर कोच दिप कोरोना मुक्त भएको पुष्टि गरेका छन् । उनले भनेका छन् – “महागुरू आदरणीय दिप दाइ पुर्ण रूपमा ठिक भइसक्नु भएको छ, सबै रिपोर्टहरू सामान्य नै छन् र अब १-२ दिनमा नै घर फर्किन सक्न हुनेछ।”
महागुरूको उपचार र रेख देखमा संलग्न HAMS Hospitalका वरिष्ठ चिकित्सक र नर्सहरूबाट यस्तो कुरा सुन्दा निकै नै ख़ुशी लागेको छ।

अस्पतालमा रात दिन नभनि खटिरहनु भएका डॉक्टरहरू, नर्सहरू लगायत अरू स्वास्थ्य कर्मी , उहॉको परिवार, र विश्व भरी छरेर रहनु भएका उहाँको करोड़ौ प्रशंसक, श्रोताहरु, साथी-भाईहरूको प्रार्थनाले गर्दा पनि यो सम्भव भएको छ।

केही दिन अघि ‘दि भ्वाइस अफ नेपालका कार्यक्रम सञ्चालक सुशील नेपालले पनि गायक श्रेष्ठको स्वास्थ्य अवस्था सुधारोन्मुख रहेको बताएका थिए ।

स्वास्थ्यमा सामान्य समस्या देखिएपछि अस्पताल भर्ना भएका श्रेष्ठलाई कोरोना संक्रमण पुष्टि भएको थियो । गायक श्रेष्ठ हाल काठमाण्डौ स्थित ह्याम्स अस्पतालमा उपचाररत छन् ।