बिशेष अनलाइन । लाखौ नेपाली यो समय कोरोना विरुद्धको खोपको प्रतीक्षामा छन् । पहिलो डोज खोप लगाएका नेपालीले दोश्रो डोजको खोप कहिले पाउने अत्तोपत्तो छैन । यसैबिच चलचित्र विकास बोर्डले सरकारसँग कोरोना विरुद्धको खोप माग गरेको छ।
बोर्डले ३ हजार चलचित्रकर्मीका लागि खोपको माग गरेको बताइएको छ । बोर्डले स्वास्थ्य मन्त्रालयलाई पत्राचार गरेर चलचित्रकर्मीका लागि खोपको माग गरेको हो ।
हाल चलचित्र नगरी ठप्प छ । कोरोना संक्रमणका कारण चलचित्र नगरी तहस नहस नै भएको अवस्था छ । केही चलचित्रकर्मीलाई खोपको व्यवस्था गर्ने तयारीमा चलचित्र विकास बोर्ड देखिएको छ ।
चलचित्रकर्मीका लागि खोपको ब्यबस्था गर्न सके कोरोना संक्रमण नर्मल हुने अवस्था आएपछि स्वास्थ्य मापदण्डको पालना गर्दै फिल्मको सुटिङ शुरु गर्न सकिन्छ भन्ने उद्देश्यले चलचित्रकर्मीका लागि खोपको फिल्मकर्मीको माग गरिएको चलचित्र विकास बोर्डका अध्यक्ष दयाराम दाहालले जानकारी दिए ।
स्वास्थ्य मन्त्रालय पनि चलचित्रकर्मीलाई खोप दिने बिषयमा सकारात्मक रहेको बोर्डका अध्यक्ष दाहालले जानकारी दिएका छन् ।
Discussion about this post