विशेष अनलाइन । गायक ओमप्रकाश गुरुङको ‘के यो माया हो’ बोलको गीतको म्युजिक भिडियो सार्वजनिक भएको छ । गीतमा गायक गुरुङलाई गायिका अनु चौधरीले साथ दिएकी छन् । गीतमा भीम बिसीको शब्द तथा सङ्गीत छ । गीतको भिडियोले युवापुस्ताको प्रेमलाई कलात्मक शैलीमा प्रस्तुत गरेको छ ।
भीम खड्का र अनुजा सिंहले अभिनय गरेको भिडियोलाई प्रकाश खड्का र उनको टिमले खिचेको हो । भिडियोको ड्रोनको दृश्य भने विशाल लामाले खिचेका हुन् । विक्रम चौहानले निर्देशन गरेको भिडियोको सम्पादन भने लक्ष्मण चौहानले गरेका हुन् । भिडियोलाई ओएसआर डिजिटल युट्युब च्यानलबाट सार्वजनिक गरिएको हो ।
गायक गुरुङ गायन क्षेत्रमा आफ्नो नाम स्थापित गर्ने अभियानमा छन् । उनी आफूलाई ब्ल्याक डाइमण्डको नामले चिनाउन रुचाउँछन् । यस अघि उर्गेन दोङको शब्द सङ्गीतमा ‘अँगालोमा बाँधी तिमीलाई’ आफ्नै शब्द तथा सङ्गीतमा ‘माया धराने’ लगायतका गीत सङ्गीत सार्वजनिक भइसकेका छन् । यस पछि पनि गायक गुरुङका केही गीत सङ्गीत बजारमा आउने तयारीमा रहेको बताइएको छ ।
Discussion about this post