विशेष अनलाइन । दीपाश्री निरौला निर्देशित चलचित्र ‘छक्कापञ्जा ५’ को ट्रेलर सार्वजनिक भएको छ । चलचित्रको ट्रेलर शनिबार युट्युब मार्फत सार्वजानिक गरिएको हो । ट्रेलरमा इमान्दार सरकारी कर्मचारीले विवाहका लागि गर्न संघर्षको कथा रहेको रहेको छ । ट्रेलर हेर्दा चलचित्रले सरकारी कार्यालयमा व्याप्त भ्रष्टाचारको कथा उठाएको देखिन्छ ।
चलचित्रको यसअघि सार्वजनिक दुई गीत चर्चामा छ । दसैँको फूलपाती असोज २४ गतेदेखि प्रदर्शनमा आउने चलचित्रमा दीपकराज गिरी, दीपाश्री निरौला, केदार घिमिरे, वर्षा सिवाकोटी, मेक्सम गौडेल, राजाराम पौडेल, रमेश बुढाथोकी लगायतका कलाकारहरुको अभिनय रहेको छ ।
चलचित्र ‘छक्कापञ्जा ५’ आमा सरस्वती मुभिज र आईएमइको ब्यानरमा बनेको हो । चलचित्रको कथा,पटकथा र संवाद दीपकले लेखेका हुन् । चलचित्रको कार्यकारी निर्माता केदारसहित निर्मल शर्मा रहेका छन् ।
Discussion about this post