विशेष अनलाइन । चलचित्रकर्मी महासंघ कोसी प्रदेश अध्यक्ष अरुण कुमार प्रधानको डेव्यु निर्देशन रहेको ‘कमर लप लप करे’ बोलको भोजपुरी गीतको म्युजिक भिडियो सार्वजनिक गरिएको छ ।
विक्रम संम्वत २०६१ सालमा इराकमा मारिएका १२ युवाहरूको सत्य घटनामा आधारित नेपाली चलचित्र १२ नेपाली एक चिहानको शनिवार अपाङ्ग पुनर्स्थापना केन्द्रको सहयोगार्थ गरिएको च्यारिटी शोमा प्रधानले निर्देशन गरेको सो म्युजिक भिडियो प्रीमियर सो गरिएको थियो । प्रीमियरमा म्युजिक भिडियोलाई निकै प्रशंसा प्राप्त भएको थियो । निर्देशक प्रधानको निर्देशकिय क्षमतासँगै गीतको भिडियोमा अभिनय गरेकी मोडल मेनुका माझीको कामलाई उपस्थित सबैले मुक्तकण्ठले प्रशंसा गरेका थिए ।
थारु, मैथिली, राजवंशी, राई, लिम्बू, नेपाली भाषामा आफ्नो निर्देशकिय क्षमता प्रस्तुत गरिसकेका निर्देशक प्रधानको भोजपुरी भाषामा भने यो पहिलो निर्देशन हो । भिडियो भारतीय चर्चित युट्युब च्यानल वेव म्युजिकबाट सार्वजनिक गरिएको हो ।
‘कमर लप लप करे’ बोलको गीतमा मेनुकालाई गायक तथा मोडल दुर्गेश थापाले साथ दिएका छन् । ‘कमर लप लप करे’ गायक सतिंदर जी र सुस्मिता सिंहले गाएका हुन् । वीरेन्द्र कुमारले लेखेको गीतमा सङ्गीत निर्देशन सतेन्द्र जीले गरेका हुन् । कम्पनी र लेबल वेभ सङ्गीतको रहेको भिडियोको डिजिटल मार्केटिङ लोकधुनले गरेको हो ।
गीतको छयांकन विराटनगरमा आसपासमा भएको हो । गीतलाई चर्चित छयांकार लुज सिंह ले छायाङ्कन गरेका हुन् । पाँच लाखको लगानीमा निर्माण भएको म्युजिक भिडियोको लगानी रीता खडकाले गरेकी हुन् । भिडियो जय हनुमान क्रीयशन फिल्मको ब्यानरमा निर्माण भएको हो ।
Discussion about this post