बिशेष अनलाइन । ‘अमेरिकन आइडल’ नामक चर्चित गायन रियालिटी शो को फाइनलमा पुग्न सफल अर्थर गनको रुपमा परिचित दिवेश पोखरेल नेपाल आउने भएका छन् । कन्सर्टको लागि उनी नेपाल आउन लागेका हुन् ।
उनले इन्स्टाग्राममार्फत कन्सर्टको लागि आफूहरू नेपाल आउन लागेको उल्लेख गरेका छन्। लामो प्रतिक्षापश्चात म कन्सर्टको लागि नेपाल आउन लागेको छु। आफ्नो जन्मभूमिमा आएर तपाईंहरु समक्ष आफ्नो प्रस्तुती दिन म निकै उत्साहित छु, उनले इन्स्टाग्राममा लेखेका छन्।
दिवेशको नेपाल कन्सर्टको जिम्मा ब्रेनसर्भिसले लिएको छ। ब्रेनसर्भिसका अनुसार काठमाडौं, पोखरा, नेपालगञ्ज, भैरहवा, चितवन र इटहरीमा कन्सर्ट गर्ने तय भएको छ । काँकडभिट्टा कन्सर्टबारे निर्णय भइसकेको छैन ।
अमेरिकन आइडलको १८ औं सिजनमा उनी चर्चामा आएका थिए । उक्त प्रतिष्पर्धामा उनी फाइनल सम्म पुग्न सफल भएका थिए । दिवेश १९ औँ सिजनमा पनि टप सेभेनसम्म पुग्न सफल भएका थिए। उनले अमेरिकन आइडलमा क्रिडेन्स क्रियरवाटर रिभाइभल ब्याण्डको ‘ह्याभ यु इभर सिन द रेन’ गाएर चर्चामा आएका थिए।
दिवेश काठमाडौं कलंकीमा जन्मिएका हुन। अहिले उनी अमेरिकाको विचिता सहरमा बस्दै आएका छन्। उनी नेपाल आउने निश्चित भएपछि उनलाई काठमाडौंस्थित घरमा भव्य स्वागतको तयारी गरिएको छ ।
Discussion about this post