बिशेष अनलाइन । चलचित्र विकास बोर्डको अध्यक्ष पदको लागि १० जनाले आवेदन दिएका छन् । नेपाल सञ्चार तथा सूचना प्रविधि मन्त्रालय अन्तर्गतको संस्था समन्वय शाखाका अनुसार आवेदन दिने अन्तिम दिन आइतबार सम्ममा १० जनाले आवेदन दिएका हुन् । दयाराम दाहालको कार्यकाल सकिएपछि रिक्त रहेको उक्त पदका लागि सञ्चार तथा सूचना प्रविधि मन्त्रालयले गत असार ५ गते एक सूचना प्रकाशित गर्दै आवेदन मागेको थियो ।
शाखाका अनुसार भुवन केसी,अरुणकुमार प्रधान,सम्झना उप्रेती,सुशील पोखरेल, मनोज पंडित, शुस्मा कार्की, नरेस पौडेल , सुचित्र श्रेष्ठ , दिपक श्रेष्ठ र निर्मल राज पौडेलले बोर्डको अध्यक्षका लागि आवेदन दिएका छन् ।अधिकांश आवेदक सत्तारुढ दल कांग्रेस निकट चलचित्रकर्मी हुन् । आवेदन दिने १० जना मध्यपनि अरुण कुमार प्रधान , भुवन केसी र सम्झना उप्रेती लाई बोर्डको मुख्य दावेदारको रुपमा हेरिएको छ ।
बोर्डको अध्यक्ष पदमा आवेदन दिनको लागि ३० वर्ष पूरा भई ६५ वर्ष ननाघेको हुनुपर्ने, कुनैपनि विषयमा कम्तीमा स्नातक तह उत्तीर्ण गरी चलचित्र उद्योगको संरक्षण तथा प्रर्वद्धनमा कम्तीमा १० वर्ष कार्य गरेको, प्रवीणता प्रमाणपत्र वा सो सरह उत्तीर्ण गरी नेपाली चलचित्र उद्योगमा कम्तीमा २० वर्ष कार्य गरेको हुनुपर्ने मापदण्ड तोकेको छ ।उक्त मापदण्ड अन्तर्गत अभिनेता भुवन केसीको शैक्षिक योग्यता र उमेर बाधक बनेको चर्चा छ । यसले पनि भुवन केसी भन्दा अरुण कुमार प्रधान र सम्झना उप्रेतीलाई मुख्य दावेदारकारुपमा हेर्न थालिएको छ ।
त्यसो त हाल सञ्चार तथा सूचना प्रविधि मन्त्री रहेका ज्ञानेन्द्र बहादुर कार्कीको चुनावी क्षेत्र सुनसरी हो । यता बोर्ड अध्यक्षका लागि अवेदन दिएका अरुण कुमार प्रधान पनि सुनसरी जिल्लाकै स्थानीय वासिन्दा हुन् । सुनसरीमै रहेर चलचित्र क्षेत्रका साथै नेपाली कांग्रेस पार्टी पंक्ति मा राम्रै योगदान पुर्याएका प्रधान लाई वोर्डको अध्यक्ष बनाउन सञ्चार तथा सूचना प्रविधि मन्त्री कार्कीलाई नैतिक दवाब बढेको ।
नजिकिदै गरेको चुनावमा योग्य स्थानिय व्यक्तिलाई छनौट नगर्दा त्यसको परिणाम विपरित पर्न सक्ने कुरामा दुई मत छैन । चलचित्र क्षेत्रलाई सकारात्मक दिसा दिन सक्ने क्षमता राख्ने प्रधानले मन्त्रालयले तोकेको सम्पुर्ण मापदण्ड पुरा गरेका छन् । जस्ले गर्दा प्रदेश १ का कांग्रेस निकट राजनिज्ञहरु प्रधानकै पक्षमा उभिएका छन् । सोही कारणले पनि मन्त्री कार्कीलाई निकै ठूलो दवाब परेको छ ।
Discussion about this post