बिशेष अनलाइन । ‘कमेडी च्याम्पियन सिजन २’को उपाधी ताप्लेजुङका भरतमणि पौडेलले जितेका छन् । सिक्किमका विक्की अग्रवाल र गोर्खाका सन्तोष थापालाई पछि पार्दै भरतमणि ‘कमेडी च्याम्पियन सिजन २’को च्याम्पियन’ बनेका हुन्। च्याम्पियन बनेसँगै भरतमणिले नगद २५ लाख रुपैंयाँ र एक कार पुरस्कार हात पारका छन् ।
भरतमणि प्रत्येक हप्ता दर्शकलाई पेट मिचिमिचि हसाउन सफल भएका थिए । उनका पूर्व सञ्चारमन्त्री गोकुलप्रसाद बाँस्कोटा, पूर्व युवराज पारस शाह, पुर्व पर्यटन मन्त्री योगेश भट्टराईका साथै इटहरी उपमहानगरपालिकाका मेयर द्धारिकलाल चौधरीको क्यारिकेचर निकै रुचाइएको थियो ।
त्यस्तै सिक्किमका विक्की अग्रवाल ‘कमेडी च्याम्पियन सिजन २’को ‘फस्ट रनरअप’ बनेका छन् । धेरैले विक्कीलाई पनि ‘कमेडी च्याम्पियन’को उपाधी दाबेदारका रुपमा हेरिएको थियो । फरक प्रस्तुतिले दर्शक हसाउन सफल विक्कीको ‘पेन्टोमाइम’ अभिनय पछि चर्चा चुलिएको थियो ।
निर्णायक सन्तोष पन्तले उनको ‘पेन्टोमाइम’ अभिनयको आलोचना गरेपछि सामाजिक सञ्जालमा सन्तोष पन्त विरुद्ध बिभिन्न नकारात्मक टिप्पणी गरिएको थियो । उपबिजेता बनेसँगै विक्कीले टीभीएस अपाचे मोटरसाइकल हात पारेका छन् ।
यता भरतमणि र विक्कीको तुलनामा कम उपाधी दावेदार मानिएका सन्तोष थापाले पछिल्लो समयका प्रस्तुतिहरुमा भने निकै आकर्षण दिन थालेका थिए । दर्शकको अड्कल बाजीमा पनि अधिकांशले सन्तोष थापालाई तेस्रो स्थानमा नै राखेर हेर्ने गरेका थिए । सन्तोषले ‘सेकेण्ड रनरअप’ बन्दै स्कुटर हात पारेका छन् । उनले प्रहरी, डन, पानीको जार बोक्ने मानिस, म्यान पावर कम्पनीवालादेखि नेपाली टिचरसम्मको सम्झनालायक प्रस्तुति दिएका थिए ।
Discussion about this post