बिशेष अनलाइन । पत्रकार भिषण राई आफुलाई एक सफल निर्देशकको रुपमा स्थापित गर्ने दौडमा छन् । चलचित्र होस् या कुनै म्युजिक भिडियो, दर्शकले केही फरकपन महशुष गर्नुपर्छ भन्ने मान्यता राख्ने गर्छन् । यसैबिच गायक ज्ञान सुब्बाको “आखिर के को लागी होला ?” बोलको गीतको म्यजिक भिडियोको छायांकन सम्पन्न भएको छ । भिडियोलाई पत्रकार तथा निर्देशक भिषण राईले निर्देशन गरेका छन् ।
धरान र चतराका विभिन्न स्थानमा दुई दिन लगाएर छायांकन गरिएको भिडियोमा केही फरक प्रयास गरेको निर्देशक राई बताउछन् । भिडियो हेरेर दर्शकले फरक महशुष गर्नेमा आफु आसावादी रहेको उनले बताएका छन् । भिडियोमा वेटर र ग्राहकबीचको सम्बन्ध र त्यसबिचमा आउने उतारचडापलाई प्रस्तुत गरिएको छ ।
भिडियोमा अभिनेता प्रेम सुब्बा सँगै बादल श्रेष्ठ, नव कलाकारहरू रबिना केसी र इसिता राईलाई प्रस्तुत गरिएको छ । रबिन खावाहाङ राईको शब्द रहेको गीतमा डा। शरद सिन्हाको संगीत रहेको छ ।
सिल्भर इन्टरटेनमेन्टको प्रस्तुति रहेको भिडियोको छायांकन भुपेन्द्र तुम्बाहाम्फेले गरेका हुन् भने ड्रोन सुमन तामाङ चलाएका छन् । भिडियो बुबाको मुख हेर्ने दिन सार्वजनिक गरिने निर्देशक राईले बताएका छन् ।
Discussion about this post