बिशेष अनलाइन । थियटर साहाराले आफ्नो २६ औं वार्षिक उत्सव सम्पन्न गरेको छ । शनिबार धरान स्थित धरान किचनमा सम्पन्न कार्यक्रममा अन्तराष्ट्रिय फिल्म फेष्टिभलामा वेस्ट फोटोग्राफ्रीको अवार्ड प्राप्त गर्न सफल लघु चलचित्र (द रेड मुन) पत्रकार साथै कलाकार माझ देखाईएको थियो ।
धरान उप महानगरपालिकाकी उपप्रमुख मञ्जु भण्डारीको प्रमुख आतिथ्यतामा सम्पन्न कार्यक्रममा वरिष्ठ कलाकार तथा निर्देशक प्रेम सुब्बा, चलचित्रकर्मी महासंघ, प्रदेश १ अध्यक्ष अरुण प्रधान, चलचित्र कलाकार संघ, प्रदेश १ का संयोजक पुष्प श्रेष्ठ, नेपाल चलचित्र प्राबिधिक संघ, प्रदेश १ अध्यक्ष प्रकाश सुब्बा, चलचित्रकर्मी महासंघ, प्रदेश १ का महासचिब दिनेश कोइराला, आरम्भ नाट्य डबली धरानका अध्यक्ष गोपाल देवान , कलालय ईटहरीका अध्यक्ष सोनु जयन्ती लगायत कलाकारहरुको उपस्थिति रहेको थियो ।
कार्यक्रमलाई सम्बोधन गर्दै धरान उप महानगरपालिकाकी उपप्रमुख मञ्जु भण्डारीले कोरोना महामारीबाट नगरबासीलाई जोगाउनु पहिलो प्रथमिकता भएको बताउदै कला क्षेत्रमा सोचे अनुरुप सहयोग गर्न नसकेको बताइन् । उनले आउने दिनमा कोरोना नियान्त्रण हुदै जादा कलाकारिताका लागि सहयोग र समर्थन गर्दै जाने बताइन् ।
चलचित्रकर्मी महासंघ प्रदेश १ अध्यक्ष अरुण प्रधानले भने धरानको कला बिकासमा सरकारी स्तरबाट सोचे अनुसारको सहायता नमिलेको गुनासो गरेका थिए । धरान कलाकाकारिताको उर्वर भुमि भएको सरकारी अधिकारीहरु बिचमै व्याख्या हुनेगरेको भएपनि आर्थिकरुपले सहयोग न्यून रहेको प्रधानको भनाई थियो ।
यता चलचित्र कलाकार संघका संयोजक पुष्प श्रेष्ठले अझै पनि कोरोना महामारीको त्रास समाप्त भइनसकेको बताउदै चलचित्र हलहरु खोल्न हतार गर्न नहुने बताए । थियटर साहाराका अध्यक्ष नबिन मेनेयाङ्बोले थियटर साहाराको २६ वर्षे इतिहासमा भएका उपलबधीहरु सुनाएका थिए ।
कार्यक्रममा द रेड मुनमा अभिनित कलाकारहरु,थियटर साहाराले आयोजना गरेको नाट्य कार्यशालामा सहभागी प्रशिक्षक तथा प्रशिक्षार्थीहरुलाई प्रमाणपत्र प्रदान गरिएको थियो ।
Discussion about this post