‘पार्टीको झोला जसले बोक्यो त्यसको आँखा अन्धो, कान बहिरो, बुद्धिमा ढकन’-दीपकराज गिरी

इटहरी / नोपालको राजनितिमा आएको उतारचाढावका कारण यतिबेला माहोल तातिएको छ । बिशेष गरि राष्ट्रपति विद्यादेवी भण्डारीले प्रतिनिधिसभा भंग गरेको कुरा चौतर्फी आलोचनाको विषय बनेको छ । केपी ओलीसम्वद्ध एमाले नेता तथा कार्यकर्ता बाहेकका सबैजसोले राष्ट्रपतिको उक्त कदमलाई गलत भनेका छन् ।

तर प्रधानमन्त्री ओली निकट केही नेता तथा कार्यकर्ताहरुले भने राष्ट्रपति भण्डारीको कदमलाई सहि भनेका छन् । कोरोना भाइरसका कारण फुर्सदमा रहेका कलाकारहरुलाई पनि यस्ता कुराहरुले नछुने कुरै भएन । बिभिन्न कलाकारहरुले सामाजिक सञ्जालमार्फत ताजा राजनैतिक अवस्थाका विषयमा आफ्नै आफ्नै ढंगले प्रतिकृया दिइरहेका छन् । धेरैजसो कलाकारहरुले पनि राष्ट्रपतिको उक्त कदमलाई गलत भनेका छन् । राष्ट्रपतिको कदमलाई सही भन्ने हरुप्रति निर्देशक तथा हास्य कलाकार दीपकराज गिरीले पनि तिखो ब्यङ्ग्य गरेका छन् । उनले सामाजिक सञ्जालमा एक स्ट्याटस लेख्दै प्लास्टिकको झोलाभन्दा खतरनाक पार्टीको झोला भएको उल्लेख गरेका छन् ।

दीपकले फेसबुकमा लेखेका छन्– ‘प्लास्टिकको झोला भन्दा खतरनाक रहन्छ पार्टीको झोला, जसले बोक्यो त्यसको आँखा अन्धो । कान बहिरो ।। बुद्धिमा ढकन ।।। त्यसैले प्लास्टिकको झोला होइन पार्टीको झोला त्यागौँ ।’