इटहरी / हाँस्य कलाकार कुमार कट्टेल “जिग्री” ले नयाँ टेलिसिरियल सुरु गर्ने भएका छन् । हाल कथा लेखन भइरहेको कट्टेलले जानकारी दिएका छन् । सामाजिक विषयवस्तुमा रहेर कथा लेख्ने काम भइरहेको बुझिएको छ ।
‘सक्किगोनी’ भन्दा फरक शैलीमा टेलिसिरियल बनाउने तयारीमा आफू रहेको उनले बिशेष अनलाइनलाई बताएका छन् । यो टेलिसिरियल कमेडी जनरामा नभई सामाजिक विषयवस्तुमा रहेर निर्माण गर्ने तयारी गरेको उनको भनाइ छ । ‘लकडाउनको सधुपयोग गर्दै हाल कथामा आवस्यक दृश्य अनुसार लेखनको काम गरिरहेको छु ।’ कुमारले भनेका छन् ।
सम्पुर्ण काम पूरा गरेर अवस्था सामान्य भएपछि उक्त टेलिसिरियल निर्माण सुरु गर्ने उनले बताए । नयाँ टेलिसिरियलमा ‘सक्किगोनी’कै टिमलाई पहिलो प्राथमिकता दिइने तर यस बिषयमा अन्य टिमसग सल्लाह गर्न बाकी रहेको कुमारको भनाइ छ ।
नयाँ टेलिसिरियलको कथाका साथै चलचित्रको कथामा पनि काम गर्दै गरेको उनले जानकारी दिएका छन् । चलचित्रमा भने कमेडी जनरामा रहेर सामाजिक कथावस्तुको उठान गर्ने उनको भनाई छ ।
Discussion about this post