बिशेष अनलाइन । कमेडी च्याम्पियन सिजन–२ मा बिभिन्न राजनितिक ब्यक्तित्वहरुको क्यारिकेचर गरेर दर्शकलाई पेट मिचि मिचि हसाँउन सफल प्रतिष्पर्धी हुन् भरतमणी पौडेल । पुर्व प्रधानमन्त्री पुष्पकमल दाहाल,केपी शर्मा ओली,पुर्वमन्त्री गोकुल बास्कोटा,योगेश भट्टराई,राजेन्द्र महत्व, सांसद रामनाराण विडारी,पुर्वराजा ज्ञानेन्द्र शाह, पुर्व युवराज पारश शाह, इटहरी उपमहानगरपालिकाका मेयर द्धारिकलाल चौधरी लगायतको क्यारिकेचरले उनलाई निकै चर्चामा ल्याएको थियो । बिशेष त पुर्व मन्त्री गोकुल बस्कोटाको क्यारिकेचरलाई दर्शकले रुचाउने गरेका छन् ।
भरतमणी नेपाली दर्शकबिचमा मात्र नभएर नेपाली राजनितिक क्षेत्रका बिभिन्न ब्यक्तिहरु बिच लोकप्रिय छन् । पुर्व मन्त्री योगश भट्टराई, गगन थापा,भिमशेनदास प्रधान लगायतले समेत उनलाई बिजेता बनाउन आग्रह गरिरहेका छन् । यसै बिच पुर्व सञ्चारमन्त्री गोकुल बस्कोटाले भरतमणी पौडेलले सबैको क्यारिकेचर गरेपनि फुटबल स्टार लियोनल मेस्सीको भने गर्न नसक्ने बताएका छन् । बास्कोटाले सामाजिक सञ्जालमा एक स्टाटस लेख्दै भरतमणीले मेस्सीको क्यारिकेचर गर्न नसक्ने बताएका हुन् ।
बास्कोटाले विश्वकप छनौट – २०२२ अन्तर्गत अर्जेनटीना र बोलिभियाबीचको खेल मिस गरेको तर पछि हेरेको बताउदै उक्त खेलमा मेस्सीको गोल उत्कृष्ट रहेको बताएका छन् ।
“अर्जेन्टीना र बोलभियाको खेल हेरेको थिइॅंन। भर्खर तानेर हेरेको क्या मिस गरेछु भने बयान गरी साध्य छैन रैछ । गोल चै दाम्मी गरेछन् मेस्सीले। नेपालका भरतमणीले हेरे कि नाइॅं ? भरतमणीले जस्को क्यारीकेचर गरेपनि मेस्सीको चै सक्दैनन ल !”बास्कोटाले भनेको छन् ।
भरतमणी यतिबेला कमेडी च्याम्पियन सिजन–२ को बिजेता बनाइदिन आग्रह गर्दै भोट माग्नमा ब्यस्त छन् ।
Discussion about this post