इटहरी / कोरोना भाइरसका कारण जारी लकडाउनमा बिभिन्न कलाकारहरु दिल खोलेर सहयोगमा जुटिरहेका छन् । अन्य कलाकारहरुको तुलनामा अभिनेता पल शाह निकै सकृय छन् ।
कोरोना भाइरसका कारण अक्सिजनको अभाव भएर कोरोना संक्रमितहरुले ज्यान गुमाउन थाले पछि अभिनेता पल शाह फिल्मै खटेर काम गरिरहेका छन् । उनले हाम्रो टिम नेपालससँगको सहकार्यमा विभिन्न अस्पतालमा अक्सिजन पुर्याउने काम गरिरहेका छन्।
आफै खटिएर काम गर्नुका साथै उनले हाम्रो टिम नेपाललाई २ लाख रुपैयाँ सहयोग समेत गरेका थिए । पल शाह र हाम्रो टिम नेपालको सहकार्यमा उनीहरुले बारा बाट अक्सिजन भरेर काठमाण्डौका बिभिन्न अस्पतालमा वितरण गरेका थिए ।
अभिनेता शाह अक्सिजन लिएर दाङ जिल्लमा पनि पुगेका छन् । उनले एक जनाले गर्दा अर्को एक जनाको ज्यान बचोस् भन्ने उद्देश्यले कामलाई निरन्तरता दिइरहेको बताएका छद्धन् । ज्यान बचाउन कै लागी आफु निरन्तर सेवामा रहेको कुरा पनि उनले उल्लेख गरेका छन् ।
Discussion about this post