बिशेष अनलाइन । पुर्व पश्चिम के भन्छ ? रेखा थापा ले भन्छ…रेखा थापा आइ लभ यू आइ लभ यू आइ लभ यू…
आज एका एक काठमाण्डौको भृकुटीमण्डपमा अभिनेत्री रेखा थापाको नारा गुञ्जिन थाल्यो । त्याहा न त कुनै मेला महोत्सव थियो न त कुनै चलचित्रको प्रचार प्रसार नै थियो । अभिनेत्री थापा पनि उनको त्यो नारा सँगै नै थिइन् । त्याहा प्रचार प्रसार नै भइरहेको थियो । तर, कुनै चलचित्र को नभइ अभिनेत्री थापा आफ्रनै प्रचार प्रसारमा ब्यस्त देखिएकी थिइन् ।
अभिनेत्री थापाले राप्रपाको जारी महाधिवेशनमा महामन्त्रीको उम्मेदवारी दिने निश्चित भएको छ । अक्सर चलचित्रको पर्दामा देखिने अभिनेत्री थापा अब भने राजनितिमा होमिएकी छन् । त्यसका लागि भृकुटीमण्डपमा उनको ब्यापक प्रचार प्रसार समेत गरिएको छ।
अभिनेत्री थापाको ब्यानरसहित राप्रपाका कार्यकर्ताहरुले नाराबाजी गर्दै रेखा थापालाई भोट दिन अपील गरेका छन्। अभिनेत्री थापाले राजेन्द्र लिङ्देन प्यानलबाट महिलातर्फ महामन्त्रीमा उम्मेदवारी दिन लागेकी हुन्। राप्रपाको विधानअनुसार पार्टीमा तीन जना महामन्त्री रहने प्रावधान छ।
राप्रपामा अध्यक्ष कमल थापा र पूर्वमहामन्त्रीसमेत रहेका सांसद राजेन्द्र लिङ्देन अध्यक्ष पदमा उठ्ने तयारीमा छन्। लिङ्देन पक्षबाट नै नेता गोविन्द खनिया र नेपालगञ्ज उपमहानगरका मेयरसमेत रहेका धवलशम्शेर राणा समेत महामन्त्रीमामा उठ्ने तयारीमा रहेको बताइन्छ ।
राप्रपामा अध्यक्ष थापा र लिङ्देन पक्षबाट अध्यक्ष, उपाध्यक्ष र महामन्त्री पदमा प्यानलसहित नै उम्मेदवारी दर्ता हुने सम्भावना रहेको बताइन्छ ।
Discussion about this post