कलाकारको दशैं

बिशेष अनलाइन । नेपाली हिन्दुहरुको ठुलो पर्व बिजय दशमी सबैको घर घरकमा भित्रिसकेको छ । बिशेष कोरोनाको त्रास पूर्णरुपमा नसकिए पनि २०७७ सालको दशैं भन्दा यस वर्षको दशैमा केही हर्षोल्लास देखिएको छ । आफ्नो कर्म गर्नका लागि घर भन्दा टाढा रहेका ब्यक्तित्वहरु आफ्नो परिवारका साथ चाड मनाउनका लागि आफ्नो घर फर्किने गरेका छन् । यसैबिच नेपाली कलाकारहरुले पनि आ आफ्नै शैलिमा दशै मान्ने तयारी गरेका छन् ।

प्रमोद खरेल (गायक)
गायक प्रमोद खरेल दशैं मनाउनाका लागि आफ्नो गृहजिल्ला झापा आइसकेका छन् । उनी यसवर्षको दशैं आफ्नो परिवारका साथ झापामा नै मनाउदै छन् । कुनै बिषेश परिस्थति भन्दा बाहेक उनी दशैं मनाउन प्रत्यक वर्ष झापा आउने गर्छन् । कोरोनाका त्रास हुदैगर्दा पनि काठमाण्डौ,कैलाली, चितवन लगायतका केही स्थानमा दशैं विशेष सांगीतिक कार्यक्रममा प्रस्तुति दिएर उनी सोमबार झापा आएका हुन् ।

परिवारका साथ रमाइलो गरेर दशैं मनाउने मुडमा छन् प्रमोद । परिवारसँग दशैं मनाउने इच्छाले देश बाहिरबाट कार्यक्रमका लागि आएको अफर अस्वीकार गरेर झापा फर्किएको प्रमोदले बताएका छन् ।

जितु नेपाल (हास्य कलाकार)
हास्य कलाकार जितु नेपालले दशैंको खास योजना बनाएका छैनन् । घर परिवारको सागमै रहेर दशैं मनाउने जितुको योजना रहेको छ । यस वर्ष कार्यक्रम पनि त्यति धेरै भएको छैन । त्यसैले पहिला जस्तो व्यस्तता पनि नभएको जितुको भनाइ छ । घरमा बुढी आमा हुनुहुनछ । आमा साथै दाजु भाउजुको हातको टीका थाप्ने, आफ्ना छोराछोरीलाई टिका लागाइदिने र ससुरालीमा सासुआमा र बाहिर केही आफन्त, साथीभाइका बुबाआमाको हातबाट टीका थाप्ने जितु नेपालको योजना छ।

दशैंमा बिशेष पिङ खेल्न जितुलाई अत्यन्तै मन पर्छ । त्यसैले कतै गएर भए पनि पिङ खेल्ने जितुको योजना रहेको छ । सधै काममा व्यस्त हुदा परिवारलाई पर्याप्त समय दिन नसकिएको भन्दै जितुले दशैलाई परिवारको साथ मै रहेर रमाइलो गर्ने, खानपानमा रमाउने लगायतका योजनाहरु बनाएका छन् । जितुले आफ्नो गच्छे अनुसार दशै मनाउन, स्वस्थ र सर्तक रहन आफ्ना शुभचिन्तकहरुलाई आग्रह गरेका छन् ।

रचना रिमाल ( गायिका)
गायिका रचना रिमाल पनि आफ्ना परिवारका साथमा रहेर दशैंै मनाउनका लागि झापा स्थित आफ्नो घर फर्किसकेकी छन् । बिभिन्न स्टेज कार्यक्रममा निकै ब्यस्त रहेकी रचना कार्यक्रमकै दौरान झापा आएकी थिइन् । सोही मौकामा उनी परिवारका साथमा रमाइलो गर्ने योजनामा रहेकी छन् ।

पछिल्लो समय युवापुस्तामा लोकप्रिय बनेकी गायिका रिमाल दशै लगत्तै काठमाण्डौ फर्किने बताउछिन् । बिभिन्न गित रेकर्ड तथा केही स्टेज कार्यक्रमहरुको अफरलाई थाँति राख्दै आफ्नो परिवारका साथ दशैं मनाउन उनी झापा आएकी हुन् । बुवा आमाको हातबाट टिका थापेर पिङ खेल्ने र रमाइलो गर्ने उनको योजना रहेको छ ।

स्वस्तिमा खड्का (अभिनेत्री)
अभिनेत्री स्वस्तिमा खड्कालाई यसवर्ष दशैं को खासै फिल आएको छैन । उनको आफन्त बितेका कारण यसवर्ष अभिनेत्री स्वस्तिमा खड्काले दशैं मनाउँने कुनै योजना बनाएकी छैनन् । स्वस्तिमालाई दशैंको सबै भन्दा महत्व लाग्ने र मन पर्ने पक्ष भनेको नै रातो टिका लगाउने हो । तर, टीका नभएका कारण यसवर्ष धेरै उत्साह नरहेको स्वस्तिमा बताउछिन् ।

दशैं मा यस्तो गरौला भन्ने योजना बनाएको छैन । तर, अन्य समयमा सबै आफ्नै काममा व्यस्त भइन्छ । त्यसैले दशैं को मौकामा घर परिवारसँगै बसेर दशैं बिताउँने, एक अर्कालाई समय दिने योजना बनाएको स्वस्तिमाले सुनाइन् ।

आँचल शर्मा (अभिनेत्री)
अभिनेत्री आँचल शर्मालाई पनि यस वर्ष स्वस्तिमा खड्कालाई जस्तै भएको छ । यस वर्ष खासै हर्ष नभएको उनी बताउछिन् । आफन्त बितेका कारण जुठो बारिरहेको उनी बताउछिन् । आँचल शर्मालाई दशैं भने मन पर्ने पर्वहरु मध्यको एक हो । बिशेषगरी बर्ष दिनमा एकपटक आउने भएका कारण पनि यस्को छुट्टै महत्व रहेको उनी बताउछिन् ।

हुन त चाडवाड सबै वर्ष दिनमा एक पटक नै आउछन् । तर, दशैं के महत्व बिशेष हुन्छ । यस चाडमा धेरै टाढाबाट पनि आफ्ना परिवारका साथ मनाउन भनेर घर फर्किन भएका कारण पनि आँचल दशैलाई बिशेष मान्छिन् । अभिनेत्री शर्माले आफ्नो आर्थिक अवस्थालाई मध्यनजर गरेर मात्र सोही अनुसारको दशैं मनाउन र आफुसँग जे जस्तो छ त्यसैमा सनतुष्ट भएर दशै मान्न आफ्ना शुभचिन्तकहरुलाई आग्रह गरेकी छन् । ।