बिशेष अनलाइन । नेपाली चलचित्र ‘एक्स ९’मा बलिउड अभिनेता सुनिल सेट्टीको अभिनय रहने भनिएको लामो समय भैसकेको छ । तर, अब भने अभिनेता सेट्टीलाई नेपाली चलचित्रमा हर्न पाइने लगभग निश्चित भएको छ । चलचित्र ‘एक्स ९’का निर्देशक मुकुन्द भट्टले बलिउड अभिनेता सुनिल सेट्टीसँग मौखिक सहमति भएको बताएका छन् ।
निर्देशक भट्ट सुनिललाई भेट्न भारत गएका छन् । उनले सुनिललाई भेटेर नौ चलचित्रका लागि अफर गरेका हुन् । निर्देशक भट्टका अनुसार केहस् कुरामा सहमति हुन बाकी भएको भए पनित मुख्य विषयहरुमा सहमति जुटिसकेको छ । सुनिल चलचित्रमा अभिनय गर्न तयार भएका छन् ।
निर्देशक भट्टले सामाजिक सञ्जाल फेसबुकमा सुनिलसँग खिचिएका तस्विर शेयर गर्दै उनी चलचित्रका लागि फाइनल भएको उल्लेख गरेका छन् । चलचित्र ‘एक्स ९’ मा बलिउड अभिनेता सेट्टीलाई सुरुवातमै अफर गरिएको चर्चा चलेको थियो । तर, अभिनेता सेट्टीले महंगो पारिश्रमिक माग गरेपछि उनको स्थानमा बलिउडकै अर्का स्टार अभिनेता सोनु सुदलाई अफर गरेको खबर समेत बाहिरिएको थियो । अन्तत, नेपाली दर्शकले चलचित्र ‘एक्स ९’मा मुख्य भिलेनका रुपमा बलिउड अभिनेता सेट्टीलाई नै देख्न पाउने भएका छन् ।
एक्सन जनरामा निर्माण हुन लागेको चलचित्र ‘एक्स ९’मा अभिनेता अनमोल केसी, सौगात मल्ल, राज कटुवाल, पुष्प खड्का अनुबन्धित भइसकेका छन् । चलचित्र नेपालकै पहिलो ठूलो क्यानभासमा बन्ने भनिएको छ ।
यस चलचित्रमा अभिनेता अनमोल केसीलाई ७५ लाख रुपैया पारिश्रमिक दिइएको बताइए पनि अन्य कलाकारहरुको पारिश्रमिक खुलाइएको छैन । पुष्पले पनि चलचित्रमा सम्झौता गरेसँगै पहिलो पटक नेपाली दर्शकले अनमोल,पुष्प र सौगातलाई एउटै पर्दामा हेर्न पाउने भएका छन् । नेपालसँगै यूरोप र क्यानडामा छायांकन गर्ने तयारी रहेको बताइएको छ ।
चलचित्रमा अभिनेत्रीका बिषयमा भने गोप्य राखिएको छ । कोरोना भाइरसले थलिएको चलचित्र नगरीमा यो बिग प्रोजेक्टले नेपाली चलचित्र बजारलाई सकारात्मक उर्जा प्रदान गर्ने अपेक्षा गरिएको छ । गोल्डेन हिल्स पिक्चरको प्रस्तुतीमा निर्माण हुन लागेको चलचित्रका कार्यकारी निर्माता दिनेश भट्ट हुन् । चलचित्रको कथा मुकुन्द भट्ट र किंङ योगीले तयार पारेका हुन्। राजिव तामाङ, विरेन कुँवर, सुबोध भट्ट र सोनु खत्री चलचित्रका निर्माता हुन् ।
Discussion about this post