बिशेष अनलाइन । नेपाली चलचित्र नगरी ठप्प छ । चलचित्र नगरीलाई पुन पुरानै अवस्थामा फर्काउन सहज नभएको चलचित्र पण्डितहरु बताउछन् । कतिपय कलाकारहरु त कलाकारिता क्षेत्रबाट नै लाखापाखा लाग्न थालिसकेका छन् । चलचित्र कहिलेबाट प्रदर्शन हुन्छ यसै भन्न सक्ने अवस्था छैन । धेरै चलचित्र भवनहरु कहिल्यै नखुल्ने गरी बन्द भइसकेका छन् ।
केही कलाकारहरु यो विसम परिस्थितिमा पनि आफुलाई व्यस्त राख्न सफल भएका छन् । यसको ज्वलन्तउदाहरण हो पछिल्लो समय प्राय सेलिब्रेटी आफ्नै कारमा गुड्ने गरेका छन् ।
केही कलाकारहरुले त लकडाउनकै समयमा गाडी किन्न सफल भएका छन् । यसले गर्दा पनि उनीहरुको आम्दानीको स्रोत चलचित्र क्षेत्र वा कलाकारिता क्षेत्र मात्रैे हैन भन्ने उदाहरण प्रस्तुत भएको छ ।
केही दिन अघिमात्र अभिनेता पुष्प खड्काले नयाँ गाडी गरिद गरेका छन् । अभिनेता खड्काले ७० लाख खर्च गरेर सेतो रंगको क्रेटा गाडी खरिद गरेका छन् । पुष्पले यसै क्षेत्रमा काम गरेर कैलालीमा घर समेत बनाइसकेका छन् । पछिल्लो समय नेपाली दर्शकको रोजाइमा पर्दै गएका कलाकार खड्का निकै संघर्ष पछिको सफलता भएको बताउछन् । उनले अभिनय गरेका ‘तिम्रो मेरो साथ, मनसँग मन, कृष्णलीला’ छायांकन भइसकेका छन् ।
अन्य केही चलचित्रहरुमा पनि उनलै लिखित सम्झौता गरिसकेका छन् । केही चलचित्रहरुमा मौखिक कुराकानी भइरहेको पुष्प बताउछन् । मैले कार किन्नुलाई सफलता मनेको छैन । यसले थप संघर्ष थपिएको छ । अभिनेता पुष्पले भनेका छन् ।
केही समय अगाडी अभिनेत्री स्वस्तिमा खड्काले पनि गाडी किनेर सार्वजनिक गरेकी थिइन् । कोरोना महामारीका कारण अधिकांश कलाकार काम बिहिन बनेका बेला अभिनेत्री खड्काले भने कार किनेकी थिइन् । उनले आफुले किनेको रातो कलरको कारसगै खिचिएको तस्वीर सामाजिक सञ्जालमा पोष्ट गरेकी थिइन् ।
आफुमा मेहेनतको भुत भए बिसम् परिस्थितिले समेत फरक नपार्ने उदाहरण अभिनेत्री खड्काले प्रस्तुत गरेकी थिइन् । कार किनेपछि आफु अत्यन्तै हर्षित भएको उल्लेख गर्दै उनले कारलाई कडा मेहेनत पछिको सफलता बताएकी थिइन् ।
केही समय अघिमात्र आफ्नै गाडीमा सवार गर्न थालेका अर्का कलाकार हुन् गायक प्रकाश सपुत । प्रकाशले केही समय अघिमात्र हुन्डाइ कम्पनीको नयाँ कार किनेका थिए । सेतो रंगको ‘क्रेटा’ कार किनेका प्रकाशले कारको मूल्य ४९ लाख रुपैयाँ रहेको बताएका छन् ।
आफूलाई देखावटी कुरामा विश्वास नभए पनि कलाकारले आफ्नै मिहिनेतले प्रगति गरेको विषयले कतिपय मानिसहरुलाई प्रेरणा पनि मिल्ने प्रकाश बताउछन् । ‘सपना देख्नेहरुलाई प्रेरणा हुनसक्छ । कलाकार मात्रै भएर पनि कार चढ्न सकिन्छ है ।’ उनले भनेका थिए । गायक प्रकाश सपुतले गाडी भन्दा पहिले करिव २ बर्ष अगाडि काठमाडौंमा घर किनेका थिए ।
प्रदेश १ को इटहरीमा रहेर कलाकारिता क्षेत्रमा क्रियाशील रहेका कलाकार हुन् रितेशजंग खत्री । कलाकार खत्रीले पनि केहीदिन अघिमात्र गाडी खरिद गरेका छन् । उनले आफ्नो घरायसी प्रयोजनका लागि गाडी खरिद गरेको बताएका छन् ।
चलचित्र छायांकन तथा अन्य बिभिन्न प्रयोजनमा सहयोग होस भन्ने उद्देश्यले गाडी खरिद गरेको खत्रीको भनाई छ । कलाकार खत्रीले २६ लाखमा सुजुकीको एस प्रेसो भि एक्स आइ मोडलको गाडी गरिद गरेका हुन् ।
Discussion about this post