संक्रमितको अनुभव : बराहक्षेत्र आईसोलेसन सेन्टरमा कुनै कुराको कमि छैन

अंशु अधिकारी । सुनसरीको बराहक्षेत्र ६ घर भएका रामकुमार श्रेष्ठलाई १५ दिन अघि खाना नरुच्ने शरीर दुख्ने समस्या देखा पर्यो । कोरोना पो हो की भनेर पिसिआर परीक्षण गरे । उनलाई कोरोना पोजेटिभ देखियो ।
घरमा बच्चा सानो भएकाले नगरपालिकाले सञ्चालन गरेको आईसोलेसनमा बस्ने निधो गरे । गत जेठ २५ गते देखि ११ दिन बसेका श्रेष्ठ आईसोलेसनमा दिएको सेवासुविधाको प्रशंसा गर्छन । सेन्टरमा दिएको खाना नास्ता, इन्टरनेट, छुट्टै शौचालय तथा स्वास्थ्यकर्मीले गरेको ब्यबहारले आफुँले कोरोना जितेको अनुभव सुनाउँछन् । नगरपालिका र वडा कार्यालयबाट समयसमयमा सम्पर्क गर्ने गरेको उनले बताए । ‘पर्याप्त व्यायामको ब्याबस्था छ । डाक्टरहरु एकदम सहयोगि हुनुहुन्छ । केही असहज भयो भने फोन गर्नु भन्नु हुन्छ । मैंले ११ दिन सम्म बसेको पत्तै पाईन’ , उनले भने ।

श्रेष्ठ जस्तै सोही ठाउँका सफल खत्री पनि आईसोलेसन सेन्टरको बयान गर्छन् । यस्तो विषम परिस्थितिमा नगरपालिकाले गरेको काम प्रशंसा योग्य रहेको बताए । गत जेठ ७ गते ज्वरो, रुघाखोकी तथा शरीर दुख्ने समस्या रहेका खत्रीलाई राती अक्सिजनको लेभल कम भएको महशुस भएपछि राती ११ बजे आईसोलेसनमा बसेको बताए । आईसोलेसन बस्दा डाक्टरहरुको सल्लाह, शारिरीक व्यायाम, खानाको राम्रो ब्यबस्था रहेकाले बिराम घट्दै गएको उनको भनाई छ । घरमा एक्लै बस्नु भन्दा आईसोलेसनमा सबै सँग आफ्नो अनुभव एकअर्कामा सुनाउँदा पनि मन हल्का हुने उनको अनुभव छ ।

त्यस्तै सोही ठाउँकी भुमिका रसाईली पनि नगरपालिकाले सहयोग गरेको बताउँछिन् । केही दिन अघि टाउको दुख्ने, ज्वरो आउने समस्या देखिएपछि एन्टिजेन् परिक्षण गर्दा पोजेटिभ देखिएको थियो । उनी घरमा एक्लै बस्नु भन्दा आईसोलेसनमा बस्दा बढी हेरचाह हुने भएकाले आईसोलेसनमा बसेको बताईन् । त्यहाँ बस्दा उनलाई अझ श्वास फेर्न समस्या हुने, खान मन नलाग्ने भएपछि स्वास्थ्कर्मीको टोलीको विशेष हेरचाहले कोरोना जित्न सकेको भनाई छ ।
आईसोलेसनमा संक्रमितको इच्छा अनुसारको खाना, नास्ता नगरपालिकाले उपलब्ध गराउँदै आएको उनले बताइन् । आईसोलेसनको बारेमा बताउँदै भुमिकाले भनिन् ‘डाक्टरले विहान बेलुका शारिरीक ब्यायाम गर्नु भन्नु हुन्थ्यो, आत्मबल बढाउन बुढाबुढीका तस्बीर देखाउँदै उहाँहरुले त कोरोना जित्नु भयो । तपाईहरु जस्तो उमेरदारीले पनि सहजै जित्न सक्नु हुन्छ भन्नु हुन्थ्यो ।’ उनले अझ थपिन् ‘त्यही कुराले गर्दा पनि मैंले हरेस खाइन जति पिडा भएपछि हौसला दिने डाक्टर र साथ दिने नगरपालिका, आफन्त, विभिन्न संघसंस्थाका पदाधिकारी मेरालागि प्रेरणाका खानी हुनुहुन्छ ।’

५० वेडको आईसोलेसन सेन्टर
कोरोना संक्रमितको उपचारका लागि नगरले ५० बेडको आइसोलेसन सञ्चालन गरिराखेको छ । नगरपालिकाले सप्तकोसी बहुमुखी क्याम्पसको भवनमा आइसोलेसन सञ्चालनमा ल्याएको हो ।
आइसोलेसनमा भर्ना भएका बिरामीहरुलाई स्वास्थ्यकर्मीको निगरानीमा उपचार गरिने र अक्सिजनको समेत व्यवस्था गरिएको छ ।
माहामारीको रुप लिएको कोरोना भाइरसको संक्रमण नियन्त्रण गर्ने उद्देश्यले ५० बेडको आइसोलेसन सञ्चालनमा ल्याइएको नगर प्रमुख निलम खनालले जानकारी दिए ।
आइसोलेसनमा नगरपालिकाले संक्रमित बिरामीलाई निःशुल्क खानाको व्यवस्था गरिएको उनको भनाई छ । आइसोलेसनमा नगरवासीलाई मात्र सेवा प्रदान गर्ने पनि खनालले बताए ।

संक्रमितलाई आईसोलेसन बस्दा बिरामी भएको फिल नहोस्ः इन्चार्ज  यादव

आईसोलेसन सेन्टर इन्चार्ज प्रमोद यादबका अनुसार दोश्रो भेरियन्ट देखिए यता ६६ संक्रमित उक्त सेन्टरमा बसेका थिए । ८ जनाको स्वास्थ्यमा समस्या देखिएपछि अस्पताल रिफर गरिएको थियो जसमा ५ जना निको भए, ३ जनाको मृत्यु भएको इन्चार्ज यादवले जानकारी दिए । आईसोलेसनमा खाना नास्ता सबै नगरपालिकाले गर्दै आएको छ । फ्रि वाइफाइ, छुट्टाछ्ट्टै बाथरुम ट्वाईलेट, हप्तामा २ पटक माछामासुको ब्यबस्था गरेको छ । विरामीलाई तत्काल स्वास फेर्न समस्या भए ४१ वटा अक्सिजन सिलिन्डर सहितको वेड तयारी अबस्थामा राखिएको यादवको भनाई छ ।
‘संक्रमितलाई यो खा त्यो नखा भन्दा पनि जति सक्दो इन्जोए गराउने हो । आईसोलेसनमा बस्दा उनीहरुलाई विरामी भको फिल नहोस् ।’ इन्चार्ज यादव भन्छन् ।
हाल उक्त सेन्टरमा २ जना स्वास्थ्यकर्मी, २ जना नेपाल प्रहरी, २ जना सवारी चालक र १० जना नेपाली सेनाले २४सैं घण्टा सेवा दिईरहेका छन् । उक्त आईसोलेसनमा हाल ४ महिला ३ पुरुष सहित ७ जना कोरोना संक्रमित रहेका छन् ।