बिशेष अनलाइन । पछिल्लो समय मनोरञ्जन नगरी अभिनेता पल शाह र गायिका समिक्षा अधिकारीको प्रेम प्रसंगका कारण चर्चामा छ । एक दिन पहिले गायिका समिक्षा अधिकारीले फेसबुकमा लामो स्ट्याटस लेख्दै बिभिन्न मिडियामा अभिनेता पल शाहसँग नाम जोडेर आफ्नो ब्यक्तिगत जिवनमा आँच पुर्याउने गरी समाचार आएको बताएकी थिइन् । त्यसको ठिक एक दिन पछि गायिका अधिकारी कै शैलिमा अभिनेता पल शाहले पनि सामाजिक सञ्जालमा एक स्ट्याटस लेख्दै मिडियामा आएका कुरा सत्य नभएको बताएका छन् ।
जसरी आफ्नो तस्विर सहित समिक्षाले स्ट्याटस शेयर गरेकी थिइन् सोही शैलिमा अभिनेता शाहले पनि आफ्नो तस्विर सहित लामो स्ट्याटस आपडेट गरेका छन् । अभिनेता शाहले हुँदै नभएको र नगरिएको आरोप आफुलाई लगाइएको बताएका छन् । ‘काम गर्ने क्रममा व्यक्ति वा समूहसँग नजिक भइन्छ र सांगीतिक सहकार्य समिक्षासँग भएको हो’ पल लेख्छन् ,’पछिल्लो केही दिनयता आएका खबरले मेरो शुभचिन्तकसँगै परिवारलाई समेत दुखी बनाएको छ ।’ समीक्षासँग रहेको मित्रतालाई अन्य नाम नदिन आग्रह गर्दै उनले चरित्र हत्या हुने गरी समाचार नबनाइदिन आग्रह गरेका छन् ।
आफ्नो पेशामा कसैसँग सहकार्य गर्नै पर्ने भएकाले अरुसँगको जस्तै समिक्षासँग पनि कामको सहकार्य भएको अभिनेता शाहले प्रस्ट्याएका छन् । मिडिया आफ्नो घर परिवार सरह रहेको बताउदै अभिनेता शाहले सोही परिवारका कारण आज आफु उक्त उचाइमा पुग्न सफल भएको उल्लेख गरेका छन् । ‘गायिका समीक्षा अधिकारी र मेरो बीचमा भएको मित्रता र सहकार्यलाई अन्य अन्य तथानम शीर्षक दिएर सिंगो पत्रकारितालाई पनि बदनाम गर्ने र हाम्रो चरित्रहत्या हुने कार्य नगरिदिनुहोला ।’ पलले भनेका छन् ।
हेर्नुहोस अभिनेता पल शाहद्वारा सार्वजनिके गरिएको भनाई उनकै शैलिमा
देश विदेशमा रहनुभएका सम्पूर्ण मेरा दर्शक स्रोताज्यूहरूमा हार्दिक सम्मान अनि धेरै माया। विगत केही दिनदेखि मेरो र गायिका समीक्षा अधिकारीको विषयमा आइरहेका समाचारबाट मलगायत मेरो परिवार अनि मलाई माया गर्नुहुने सिंगो दर्शकदीर्घ नै दुःखी बनेको महसुस हामीले गरेका छौ । जुनसुकै क्षेत्रमा काम गर्दा पनि केही व्यक्ति समूह कहीँ न कहीँ कुनै न कुनै प्रकारले नजिक हुने गर्छ, यो हामी सबैलाई थाहा भएकै कुरा हो। मेरो पेसा र विधाका कारण म धेरै मान्छेहरूसँग सहकार्य गर्नुपर्ने हुन्छ र मसँग जोडिनुहुने मेरा अग्रज, अनुज र सहकर्मीहरूमाझ मैले सदैव आफूलाई सहज र सहयोगी तवरले प्रस्तुत गरिरहेको हुन्छु।
अरु कलाकारहरूसँग जस्तै र अरुले जस्तै सांगीतिक सहकार्य गायिका समीक्षा अधिकारीसँग पनि भएको कुरा यहाँहरूलाई विदितै छ। हुँदै नभएका, गर्दै नगरिएका, बिनाआधारका कुराहरूलाई गसिप बनाएर एउटा कालाकार र उसको व्यक्त्तिगत जीवनमाथि आँच आउने किसिमले लेखिएका झुटा समाचारहरूले मलाई अत्यन्तै दुःखी बनाएको छ। यसरी कसैको व्यक्त्तिगत प्रतिष्ठा र चरित्र हत्या हुने गरी बदनाम गर्ने गरी समाचार नबनाइदिनुहुन सम्पूर्ण मिडियाकर्मीज्यूहरूलाई हार्दिक अनुरोध गर्दछु। मैले सधैं दर्शक स्रोता मेरो घर अनि मिडियालाई आफ्नो परिवार मानेको छु र सदैव मानिरहने छु।
यही घर परिवारको माया, आशीर्वाद र शुभेच्छाको कारणले गर्दा नै म यहाँसम्म आइपुगेको छु। मैले जानेर नजानेर कसैको चित्त दुखाएको छु भने म यसै पोस्टमार्फत हार्दिक माफी माग्दछु। गायिका समीक्षा अधिकारी र मेरो बीचमा भएको मित्रता र सहकार्यलाई अन्य अन्य तथानम शीर्षक दिएर सिंगो पत्रकारितालाई पनि बदनाम गर्ने र हाम्रो चरित्रहत्या हुने कार्य नगरिदिनुहोला ।
यस्तै समीक्षाले पनि सामाजिक सञ्जालमार्फत नै आफ्नो भनाइ सार्वजनिक गरेकी छिन् । उनले पलसँग जोडिएर आएको समाचारहरू कपोकल्पित रहेको उल्लेख गरेकी छिन् । ‘पलजीसँगको सम्बन्धलाई तोडमोड गरेर आएको समाचारले मेरो चरित्रहत्या भएको छ’ उनी लेख्छिन्, ‘एउटै नगरीमा रहेकाले उहाँले मलाई अभिभावकको हिसाबले माया गर्नु हुन्छ र दर्शकको माया पाएसम्म हाम्रो सहकार्य रहिरहने छ ।’
Discussion about this post