पारससँगको भेटपछि भरतमणिले भने ठूलो प्रसंशक भएँ

बिशेष अनलाइन । कमेडी च्याम्पियनका विजेता भरतमणि पौडेलले धेरै पहिले देखि नै पूर्वयुवराज पारस शाहसँग भेट गर्ने चाहाना ब्यक्त गरेका थिए । बिभिन्न अन्तवार्तामा पनि उनले एक पटक पारससँग भेट गर्ने बताएका थिए । अन्तत भरतले पूर्वयुवराज पारस शाहसँग भेट गरेका छन् । कमेडी च्याम्पियन सिजन १ मा दले दाई उपनामले चिनिएका कमेडीयन सुमन कोइराल र भरतमणि पौडेलले पारससँगको भेटपछि सामाजिक संजालमा तस्बीर शेयर समेत गरेका छन् ।

आफु पारस शाहको फ्यान भएको र पूर्वयुवराजसँग भेट गर्न पाएकोमा एकदमै खुसी भएको भरतमणिले सामाजिक सञ्जालमा नै उल्लेख गरेका छन् । करिब १ घण्टाको भेटघाटमा निकै रमाइलो गफगाफ भएको भरतमणिले बताएका छन् ।

भरतमणिले पारससँगको भेटपछि झन ठूलो प्रसंशक भएको उल्लेख गरेका छन् । ‘म उहाँको शुभचिन्तक थिएँ । भेटघाट पछि झन ठूलो प्रसंशक भएँ । साच्चैनै भन्नेनै हो भने उहाँ साह्रै रमाइलो साथी जस्तै हुनुहुदो रहेछ’ उनले भनेका छन् ।

कमेडी च्याम्पियनमा भरतमणिले पारसको क्यारिकेचर गरेपछि उनको लोकप्रियता थप उत्साहजनक बनेको थियो । कमेडी च्याम्पियन भरतमणिले गरेको पारसको क्यारिकेचरलाई धेरैले चाएका थिए ।