निष्फिक्री प्रस्तुत हुदै इन्दिरा र शरद

बिशेष अनलाइन । पछिल्लो समय चर्चामा रहेको जोडी हो गायिका इन्दिरा जोशी र शरद केडियाको जोडी । केडियाले गायिका जोशीलाई बिवाहको प्रस्ताव गरेको भिडियो एका एक भाइरल भएपछि उनीहरुको चर्चा सामाजिक सञ्जालमा चुलिएको हो । सामाजिक सञ्जालमा उनीहरुको टिकाटालो भएको बताइए पनि औपाचारिक रुपमा टिकाटालो नभएको गायिका जोशीले जानकारी दिएकी छन् ।

करिब ३ बर्ष अगाडिको भेटघाटलाई इन्दिरा र शरदले प्रेममा बदलेका हुन् । सामाजिक सञ्जालमा उनीहरुको सम्बन्धका चर्चा भएसँगै उनीहरु बिभिन्न कार्यक्रमहरुमा एक साथ देखिन थालेका छन् । हालैमात्र, काठमाडौंको किङ्स लाउन्चमा आयोजना भएको एक कार्यक्रममा इन्दिरा र शरद साथमै पुगेका थिए । उनीहरुले एकसाथ मुस्कानसहित तस्वीर समेत खिचाए ।

उक्त कार्यक्रममा उनीहरु खुलेर एकसाथ सबैसँग साक्षात्कार गरिरहेको देख्न सकिन्थ्यो । बिवाहको बारेमा तत्काल सोच नभए पनि टिकाटाले भने तत्काल गर्ने सोचमा यो जोडी रहेको छ । लुक्ला पुगेर शरदले गायिका जोशीलाई औठी लगाइदिएका थिए । उनीहरुले सबैसँग निष्फिक्री रुपमा जोडीकै रुपमा प्रस्तुत हुनको लागि उक्त जुक्ती अपनाएको सामाजिक सञ्जालमा चर्चा हुने गरेको छ ।