बिशेष अनलाइन । अभिनेत्री वर्षा सिवाकोटी र अमेरिका निवासी सविन जंग थापा बिचको प्रेमसम्बन्धले पुर्णबिराम पाएको धेरै भएको छैन । उनीहरु बिचको प्रेममा करिव १७ महिनामै पुर्णबिराम लागेको थियो । सविनसँगको प्रेमसम्बन्ध टुटेपछि चर्चामा आएकी अभिनेत्री सिवाकोटी पुन प्रेममा रहेको चर्चा भइरहेको छ । अभिनेत्री सिवाकोटी र अभिनेता राज कटुवाल प्रेममा रहेको चर्चा चलचित्र नगरीमा छ ।
उनीहरुले प्रेम स्वीकार भने गरेका छैनन् । तर उनीहरुले प्रेम स्विकार नगरेपनि लुक्न सकेको छैन । अभिनेत्री वर्षाले इन्स्टाग्रामको स्टोरीमा राजसँगको एउटा रोमान्टिक तस्विर सार्वजनिक गरेकी छन् । तस्विरमा अभिनेत्री वर्षाले राजको छातीमा आफ्नो शिर राखेकी छन् र दुवैको ओठमा मुस्कान देखिएको छ।
बेला बेला अभिनेत्री वर्षाले राजको प्रसंशा समेत गर्ने गरेकी छन् । राज अभिनेत्री पूजा शर्माका मिल्ने साथी हुन् । अभिनेत्री पूजा शर्मासँगको भेटघाटका क्रममा नै अभिनेत्री वर्षा र राजको भेट भएको थियो । बिस्तारै उनीहरुको भेटघाट बक्लिदै जाँदा एकअर्काको नजिक भएका थिए ।
Discussion about this post