बिशेष अनलाइन । यतिबेला बाढीका कारण सिन्धुपाल्चोक लगायतका केही जिल्लाहरु प्रभावित बनेका छन् । बाढी प्रभावित सिन्धुपाल्चोकको मेलम्चीका बासिन्दालाई सहायता दिने देशै भरिबाट विभिन्न ब्यक्ति तथा संस्था सक्रिय छन् ।
यसबीच पिडामा रहेका सिन्धुपाल्चोक बासिन्दालाई मल्हम लगाउन विभिन्न सेलेव्रिटी पनि सक्रिय देखिएका छन् । अभिनेत्री आँचल शर्मा दम्पती सहितको टोलीले सिन्धुपाल्चोकको मेलम्चीमा बाढी पहिरो पिडित ५० परिवारलाई राहत सामाग्री वितरण गरेका छन् ।
राहत वितरणको लागि अभिनेत्री आँचल शर्मा र उनका श्रीमानका साथै निर्देशक मिलन चाम्स लगायत मेलम्ची पुगेका थिए ।
मेलम्ची पुगेर राहत बितरण गरि फर्किएपछि शर्माले सामाजिक सञ्जालमा लेख्दै त्यहाँको परिस्थती नियाल्दा कहालीलाग्दो रहेको उल्लेख गरेकी छिन् । उनले सामाजिक सञ्जाल फेसबुकमा लेखेकी छिन्, ‘आज हामी सिन्धुपाल्चोक पुगेर फर्किएका छौ । त्यहाँको परिस्थती नियाल्दा कहालीलाग्दो छ ।’
अभिनेत्री शर्माले अघि भनेकी छन् ‘सवैको सपना मेलम्चीले बगाएर लगेको छ । तर विश्वास छ हामी सबै नेपालीहरु एकजुट भएर सिन्धुपाल्चोक बासी दाजुभाईदिदी बहिनीहरुको ती बगेका सपनालाई ठूलो पूल बनेर पुरानै लयमा फर्काउनु छ ।’
Discussion about this post