विशेष अनलाइन । भदौ १२ बाट नेपालसहित विश्वभर प्रदर्शनमा आउने चलचित्र ‘कोशेढुङ्गा’को दोस्रो तीज गीत ‘भँगेरा भँगेरी’ सोमबार सार्वजनिक भएको छ । यो गीतले प्रेम र झगडाको कथा प्रस्तुत गर्दै चलचित्रका मुख्य कलाकार सुरक्षा पन्त र मन्जिल कुमारको जोडीलाई पर्दामा देखाएको छ ।
गीतमा रिदम कँडेल र बेनिशा पौडेलले स्वर दिएका छन् । गितमा रिदम कँडेलको संगीत र बिदुर तिमल्सिनाको शब्द रहेको छ । सार्वजनिक भएपछि गीतले युट्युबमा धेरै सकारात्मक प्रतिक्रिया पाएको छ, जहाँ दर्शकहरूले यसको लय र स्वरलाई निकै रुचाएका छन् ।
निर्देशक सरोज पौडेलको निर्देशनमा बनेकोचलचित्रमा सुरक्षा पन्त, मन्जिल कुमारसँगै आर्यन सिक्देल, ऋचा शर्मा, नीति शाह, प्रवीण खतिवडा र सरोज खनालको अभिनय रहेको छ । चलचित्रको कथा निर्देशक पौडेलले नै लेखेका हुन् भने लेखनमा सुनिल निउरे र सुबलमणि सापकोटाले साथ दिएका छन् ।
निर्माणमा नरदेवी फिल्म्स र सारंगी फिल्म्सले सहकार्य गरेका छन् । चलचित्रका निर्माता प्रेविल कँडेल र किशोर अनुराग हुन् भने कार्यकारी निर्माता दिनेश खड्का रहेका छन् । छायांकन बाबु श्रेष्ठले गरेका छन् भने सम्पादन नहकुल खड्काको हातबाट भएको छ । संगीत आशिष अविरल र रिदम कँडेलले संयोजन गरेका छन् । चलचित्र ४२ भन्दा बढी देशहरूमा एकैचोटि रिलिज हुने योजना रहेको जनाइएको छ ।
Discussion about this post