इटहरी / आज अभिनेत्री सुहाना थापाको जन्मदिन परेको छ । अभिनेत्री थापा आजबाट २३ बर्षमा प्रवेश गरेकी छिन् । उनी यति बेला अमेरिकामा रहदै आएकी छिन् । त्यसैले उनले आफ्नो २३ औ जन्मदिन अमेरिकामा नै मनाएकी हुुुन् ।
अभिनेत्री थापा चलचित्र ‘ए मेरो हजुर ३’बाट नेपाली चलचित्र नगरीमा उदाएकी हुन् । चलचित्र ‘ए मेरो हजुर ३’ आफ्नै बुवा सुनिल कुमार थापाले निर्माण र आमा झरना थापाले निर्देशन गरेकि हुन् ।
अध्ययनका लागी लामो समयदेखि अमेरिका बस्दै आएकी थापा चलचित्र ‘ए मेरो हजुर ४’को छायांकनका लागि नेपाल आएकी थिइन् । कोरोना भाइरसका कारण चलचित्र छायांकनमा आएको समस्याका कारण विभिन्न चरणमा गरि चलचित्रको छायांकन गरिएको थियो ।
चलचित्रको प्रदर्शन मिति समेत तय भइसकेको छ । चलचित्र भदौ १८ गते अलनेपाल प्रदर्शन गर्ने तय भए पनि घोषित मितिमा चलचित्र रिलिज हुने सम्भावना भने न्यून रहेको छ ।
चलचित्र ‘ए मेरो हजुर ३’मा काम गरेपछि दर्शकले उनको अभिनयको तारिफ गरेका छन् । नेपाली चलचित्र नगरीमा सम्भावना बोकेकी अभिनेत्रीका रुपमा अभिनेत्री थापाको ब्याख्या हुने गरेको छ ।
अभिनेत्री थापा मात्र त्यस्ती अभिनेत्री हुन् जस्ले अभिनेता अनमोल केसीको साथपा दोस्रो पटक काम गरेकी छिन् । अभिनेत्री थापा भगवान् कृष्णको भक्त हुन् ।
Discussion about this post