इटहरी / नेपालमा कोरोना माहामारीले बिकराल रुप लिदै गइरहेको छ । दैनिक ५० भन्दा धेरैको संख्यामा मानिसहरुको मृत्यु भइरहेको छ । कोरोना भाइरसबाट धेरै नेपाली सङ्क्रमित भइरहदा चलचित्र क्षेत्र पनि चोखो रहने कुरै भएन ।
वरिष्ठ हास्य कलाकार मदनकृष्ण श्रेष्ठ, गायक प्रकाश सपुत,निर्देशक तथा हास्य कलाजार दिपक आचार्य, निर्देशक ऋषि लामिछाने, कलाकार सरिता लामिछाने, कलाकार यमन श्रेष्ठ लगायत यतिबेला कोरोना पोजेटिभ भएर आइसोलेसनमा बस्दै आइरहेका छन् ।
यसै बिच अभिनेत्री वर्षा राउतलाई पनि कोरोना पोजिटिभ देखिएको छ । नायिका राउतले आफ्नो सामाजिक संजालबाट आफुलाइ कोरोना पोजेटिभ देखिएको पुष्टि गरेकी हुन् । उनले गन्ध हराएको र खोकी लागिरहेको बताउदै सबै खालका स्वस्थ्य मापदण्डहरुको पालना गरिरहेको बताएकी छिन् । अभिनेत्री राउतले आफू घरमै आइसोलेसनमा रहेको र सुरक्षित रहेको पनि उल्लेख गरेकी छिन् ।
साथै उनले सबैलाई सुरक्षित रहन पनि आग्रह गरेकी छिन् । वर्षाले चाडै नै ठिक भएर काममा फर्किने अपेक्षा समेत गरेकी छिन् ।
अभिनेत्री केकि अधिकारीलाई पनि केही समय अघि कोरोना पोजेटिभ देखिएको थियो । तर, उनि छोटो समय भित्र कोरोना मुक्त भएर नियमित काममा फर्किसकेकी छन् ।
Discussion about this post