अभिनेता नवाजुद्दीन : नेपाली चलचित्रको भविष्य उज्ज्वल रहेको छ

विशेष अनलाइन । सोमबार काठमाडौँमा अन्तरक्रियात्मक कार्यक्रममा बोल्दै भारतीय अभिनेता नवाजुद्दीन सिद्दीकीले नेपाली चलचित्र शाम्बालाले चलचित्रका लागि नेपालमा अब नयाँ माहौल बनेको बताएका छन् । सिद्दीकीले नेपालमा उत्कृष्ट चलचित्र निर्माण हुने माहौल बनेको प्रतिकृया दिएका छन् ।

भारतीय अभिनेता नवाजुद्दीन सिद्दीकी भन्छन् , ‘एउटा देश एक पटक मात्रै त्यस्तो मानिसहरू आउँछन् जसले त्यो बेलामा चलचित्र वा अरू कुनै पनि कुरालाई माथिल्लो स्तरमा लैजान्छन् । त्यसले एउटा माहौल बन्छ । अब नेपालमा पनि त्यस्ता निर्देशक, कलाकारहरू आउँछन् । जो अहिले पनि छन् । अब उनीहरूले नेपाली चलचित्र क्षेत्रको माहौल अझै बढ्नेछ । उनीहरूले नै नेपालको चलचित्र क्षेत्रलाई अघि बढाउने छन् ।’

अभिनेता नवाजुद्दीनले निर्देशक मीनबहादुर भामले चलचित्रलाई उत्कृष्ट बनाएको आफूले पाएको पनि बताए । उनले देशमा एक पटक मात्रै चलचित्र क्षेत्रको माहौल बनाउने कलाकार, निर्देशकहरू आउने भन्दै त्यो माहौल चलचित्र शाम्बालासँगै बनेको दाबी गरे । अभिनेता सिद्दीकीले नेपाली चलचित्रको भविष्य उज्ज्वल रहेको बताए ।