विशेष अनलाइन । कुमार कट्टेल ‘जिग्री ब्रो’को निर्देशन रहने चलचित्र लाज शरणम्’को छायांकन सुरु भएको छ । चर्चित शृङ्खला ‘सक्किगोनि’ टिमले निर्माण गरेको चलचित्रको डोल्पा जिल्लास्थित ठूलीभेरी नगरपालिकाको दूरगाउँबाट शनिबारदेखि छायांकन सुरु भएको हो ।
चलचित्रका मुख्य कलाकार अर्जुन घिमिरे ‘पाँडे’ र विजय बरालले चलचित्रको पहिलो सट दिएका छन् ।डोल्पामा ४० दिनसम्म चलचित्रको छायांकन हुनेछ । दसैँअघि काठमाडौँमा पनि छायांकन गरिने निर्माण टिमको योजना रहेको छ ।
चलचित्रमा मुकुन्द श्रेष्ठ, विजय बराल, प्रशान्त ताम्राकार, महेश त्रिपाठी, अर्पण थापा, रेणु योगी, माला लिम्बुसँगै सक्किगोनि टिमबाट अर्जुन घिमिरे (पाँडे), सागर लम्साल (बले), हरिष निरौला (कक्रोज), प्रियाना आचार्य (मुन्नी), बबिन राराई (गल्फने बाजे), रामभजन कामत, कमलमणी नेपाल (खुपीका बाउ) लगायतका कलाकारहरुको अभिनय रहने छ ।
चलचित्रको छायांकार सुदीप बराल रहेका छन् । जेपिटी क्रियसनको ब्यानरमा निर्माण हुने चलचित्र फागुन १४ गते महाशिवरात्रिको अवसरमा नेपालभर रिलिज गर्न लागिएको छ ।
Discussion about this post