विशेष अनलाइन । यम शेर्पाले निर्देशन गरेको चलचित्र ‘कार्साङ’को छायाङ्कन सकिएको छ । चलचित्रको छायाङ्कन २२ दिनमा सकिएको हो । चलचित्र सिन्धुपाल्चोक जिल्लाको बाह्रबिसे नगरपालिका, भोटेकोसी गाउँपालिका क्षेत्रमा छायाङ्कन भएको बताइएको छ ।
निर्देशक शेर्पा भन्छन् , ‘चलचित्रको सम्पूर्ण टिम राम्रो रहेकाले सबैको मेहनतका साथ समयमै छायाङ्कन सकियो । पोस्टको काम सोचे जस्तै भयो भने हामी छिट्टै चलचित्र प्रदर्शनमा आउँछ ।’
यार्सा फिल्मस् र पुरुषोत्तम प्रधान फिल्मसले बनाएको चलचित्रमा अभिनेता दयाहाङ राई र नव–अभिनेत्री सिर्जना निङ्लेखु चलचित्रको मुख्य भूमिकामा रहेका छन् ।
सामाजिक कथावस्तुमा बनेको चलचित्रमा दयाहाङ र सिर्जना सहित जितु नेपाल, दिया मास्के, बुद्धि तामाङ, प्रेम लोप्चन, डोमा ह्योल्मो, सृष्टि गौतम, छोकी शेर्पा, सुरवीर पण्डित, कर्मा शेर्पा लगायत कलाकारहरुको अभिनय रहेको छ ।
चलचित्रको निर्माता पुरुषोत्तम प्रधान हुन् ।चलचित्रमा उनकै डिओपी रहेको छ ।चलचित्रको वितरणको आरआर फिल्मसले लिएको छ ।
Discussion about this post