विशेष अनलाइन । चलचित्र ‘ह्रस्व दीर्घ’को पहिलो लुक्स सार्वजनिक भएको छ । नायिका नीता ढुंगानाको मुख्य भूमिका रहेको चलचित्र ‘ह्रस्व दीर्घ’को पहिलो लुक्स सार्वजनिक हो ।
पोस्टरमा ढुंगानासहित ६ जना कलाकारको मुखाकृति पनि चित्रण गरिएको छ । नीता हातमा बज्र लिएर उभिएकी छन् । पोस्टरमा कलाकारहरु ब्रह्मानन्दम, अली, किरण केसी, बुद्धि तामाङ, रवीन्द्र झा र आदर्श मिश्रलाई आ–आफ्नो चरित्रमा देख्न सकिन्छ ।
चलचित्रमा चन्द्र पन्तको निर्देशन छ । यो पन्तको डेब्यु निर्देशकीय फिचर चलचित्र हो ।असोज ३ गतेबाट रिलिज हुने चलचित्र ‘ह्रस्व दीर्घ’मा नीता ढुंगाना सँगै हरिहर अधिकारी, विपना थापा, गरिमा शर्मा, प्रशान्त ताम्राकार, सरोज खनाल, बुद्धि तामाङ, किरण केसी, रवीन्द्र झा, ब्रह्मानन्दम, अलि, प्रदीप रावत र कबीर दुहान सिंहको मुख्य भूमिका छ ।
चलचित्रको कथा हरिहर अधिकारीले लेखेका हुन् । चलचित्रमा भारतीय छायांकार कवीरलालको छायाकन छ । उनले ‘वेलकम ब्याक’, ‘परदेश’, ‘दिल आपके पास है’ जस्ता दर्जनौँ बलिउड चलचित्र खिचेका छन् ।
नेपाल र भारतमा गरी तीन चरणमा छायाङ्कन गरिएको चलचित्रमा मित्र डि गुरुङको सम्पादन तथा रामजी लामिछाने साथै बलिउडकी सुष्मा सुमनको कोरियोग्राफी छ ।
Discussion about this post