बिशेष अन्लाइन । चलचित्र ‘बेहुली फ्रम मेघौली’को पहिलो पोस्टर २०८१सालको विजयादशमी ९दशैं०मा प्रदर्शन हुने गरि सार्वजनिक गरिएको छ । शनिबार सार्वजनिक एक पोस्टरमा चलचित्रकी मुख्य अभिनेत्री स्वस्तिमा खड्कालाइ देखाइएकोइ छ । बेहुलीले लगाउने रातो रंगको साडी र चोलीमा देखिएकी उनी उभिएर ट्याक्टर हाँकिरहेको अवस्थामा प्रस्तुत छिन् ।
साजन काफ्ले र आकाश बरालको संयुक्त निर्देशनमा तयार भएको चलचित्रमा स्वस्तिमाको जोडी उनकै श्रीमान् तथा अभिनेता निश्चल बस्नेतसँग बाँधिएको छ । आमिर गौतम, विजय बराल, सिम्रन खड्का लगायतको पनि अभिनय रहेको चलचित्रले एक बेहुलीको कथा भन्नेछ । चितवनको मेघौलीमा छायांकन गरिएको यो चलचित्रलाई दशैंमा ल्याउने घोषणा गरे पनि कुन मितिमा चलचित्र प्रदर्शन गर्ने भन्ने तय गरिएको छैन ।
चलचित्र ब्ल्याक हर्स पिक्चर र मेघौली चलचित्रको प्रस्तुतिमा निर्माण भएको हो। चलचित्रमा कार्यकारी निर्मातामा शंकर पाण्डे र फिरोज खड्का छन् । स्वस्तिमाले पहिलोपटक चलचित्र निर्माणको अनुभव लिएकी हुन् । चलचित्रमा निर्देशकद्वय आकाश र साजनको संयुक्त लेखन छ । उनीहरुले यही फिल्मबाट निर्देशनमा डेब्यु गरेका हुन् । आकाशले यसअघि निश्चल बस्नेत निर्देशित फिल्म ‘दिमाग खराब’को स्क्रिप्ट लेखेका थिए ।
Discussion about this post