बिशेष अन्लाइन । चलचित्र ‘ह्रस्व दीर्घ’को तोकिएको मितिभन्दा एक हप्ता अगाडि नै प्रदर्शन हुने भएको छ । चलचित्र सुरुमा आगामी असोज ११ गते प्रदर्शन गर्ने गरि निर्माण टीमले मिति घोषणा गरेको थियो । तोकिएको मिति फेरबदल गरेर चलचित्रलाई संविधान दिवसको अवसर पारेर असोज ३ गते प्रदर्शन गर्ने निर्माण टीमले जनाएको हो ।
वितरण कम्पनी र निर्माण टीमको सल्लाहमा चलचित्रको प्रदर्शन मिति अगाडि ल्याइएको निर्मात्री नीता ढुंगानाले बताइन् । निर्मात्री ढुंगाना भन्छिन, हाम्रो चलचित्र कुन मितिमा ल्याउने भन्ने विषयमा हामी जिम्मेवार भएकाले असोज ३ प्रदर्शनको लागि उपयुक्त दिन ठानेर उक्त मिति रोजिएको हो ।
चन्द्र पन्तको निर्देशन रहेको चलचित्र ‘ह्रस्व दीर्घ’मा निर्मात्री रहेकी अभिनेत्री नीतासँगै अभिनेता हरिहर अधिकारी, चर्चित दक्षिण भारतीय कलाकार ब्रह्मानन्दम र बलिउड कलाकार प्रदीप रावतसँगै विपना थापा, गरिमा शर्मा, प्रशान्त ताम्राकार, सरोज खनाललगायत नाम चलेका दर्जन बढी कलाकारको अभिनय रहेको छ।
सामाजिक नटक सहितको प्रेमकथामा आधारित यस चलचित्रलाई भारतको रामोजी स्टुडियोदेखि मुम्बई, चितवन र काठमाडौंमा छायांकन गरिएको छ । अभिनेता हरिरहर अधिकारीको कथा रहेको चलचित्रमा बलिउडका स्थापित सिनेमाटोग्राफर कविरलालको छायांकन छ ।
‘नीता फिल्मसको ब्यानरमा बनेको चलचित्रमा मित्र डी गुरुङको सम्पादन छ । कास्टिङ निर्देशक धनञ्जय घलानी रहेको फिल्ममा कोरियोग्राफी रामजी लामिछाने र बलिउड कोरियोग्राफर शुष्मा सुमनको छ ।
Discussion about this post