बिशेष अन्लाइन । जितु नेपाल र नीति शाहको मुख्य अभिनय रहने चलचित्र ‘ज्वाइँ साब’ को वसन्त निरौलाको निर्देशनमा छायाङ्कन सुरु भएको छ । चलचित्रको छायाङ्कन शुक्रबार मकवानपुरको चित्लाङमा अवस्थित भैरव मन्दिरमा कलाकार र प्राविधिकको उपस्थितिमा पूजा गर्दै सुरु गरिएको हो ।
वसन्त निरौलाको निर्देशनमा निर्माण हुन लागेको चलचित्रमा जितु र नीतिसहित बुद्धि तामाङ, हिमेश पन्त, रमेश बुढाथोकी, प्रकाश घिमिरे, दीपक आचार्य, निमा पाण्डे, शिवु पाण्डे लगायतको अभिनय रहनेछ। चलचित्रको छायाङ्कन चित्लाङमा २० दिन र त्यसपछि सौराहा र इलाममा खिचिने निर्देशक निरौलाले बताए।
चलचित्रमा श्याम तामाङको डीओपी, अर्जुन पोखरेल र महेश ताम्राकारको संगीत रहनेछ । रेड आइ चलचित्रको प्रस्तुतिमा ओएसआर डीजिटल र मौसम चलचित्रको सहकार्यमा यो चलचित्र निर्माण हुन लागेको हो ।
यस चलचित्रमा प्रस्तुतकर्ता राजकुमार पण्डित , लगानिकर्ता मिनादेवी पाण्डे, सौगात पण्डित र पदमलाल तामाङ हुन् । कार्यकारी निर्माता विजय बस्याल रहेको चलचित्रमा सविन अधिकारीको कथा, शंकर धितालको पटकथा तथा संवाद रहेको छ ।
समसामयिक कथामा निर्माण गर्न लागिएको चलचित्र ‘ज्वाइँ साब’लाइ यहि वर्षको तिहारमा प्रदर्शनमा ल्याउने निर्देशक निरौलाले जानकारी दिए ।
Discussion about this post