विशेष अनलाइन । आन्तरिक मामिला तथा कानुन मन्त्रालय कोशी प्रदेशले ‘कोशी चलचित्र महोत्सव ९२०८१’ आयोजना गरिरहेको छ । जेठ ६ गते झापाको बिर्तामोडमा उद्घाटन गरी सुरु भएको चलचित्र महोत्सव झापा सहित सुनसरी तथा मोरङका विभिन्न स्थानहरूमा चलचित्र प्रदर्शन तथा विविध कार्यक्रम गरिँदै छ । चलचित्रकर्मी महासंघ कोशी प्रदेश अध्यक्ष अरुण कुमार प्रधानको संयोजकत्वमा भइरहेको कार्यक्रमको आज चौथो दिन ।
आज पनि बिर्तामोड,इटहरी, विराट चोक, झुम्का, विराटनगर लगायतका स्थानहरूमा कोशी प्रदेशमा छायाङ्कन भएका तथा कोशी प्रदेशका चलचित्रकर्मीले निर्माण गरेका लघु, कथानक चलचित्र, वृत्तको निःशुल्क प्रदर्शन गरिँदै छ ।
आज ९ गते इटहरीको इलाइट सिनेमा हलमा लाख बहादुर तामाङ निर्देशित चलचित्र अभियान, प्रकाश सुब्बा निर्देशित चलचित्र चिना,अरुण कुमार प्रधान निर्देशित चलचित्र माता र प्रतिश क्षेष्ठ निर्देशित चलचित्र जब प्रकाश जान्छ प्रदर्शन हुदैछन् । म्याजिक सिनेमा हल झुम्कामा संगीता श्रेष्ठ द्वारा निर्देशित चलचित्र आइसक्रिम, सन्तोष सरकार निर्देशित चलचित्र फू, इन्द्रबहादुर परियार निर्देशित चलचित्र बेङ्ठा, जनक चौधरीद्वारा निर्देशित चलचित्र जमाना र सुजित कुमार शाह द्वारा निर्देशित चलचित्र तुम हमर जान हौ प्रदर्शन हुँदै छन् ।
यस्तै इन्द्रबहादुर परियार निर्देशित चलचित्र बेङ्ठा, दिप नारायण चौधरीद्वारा निर्देशित चलचित्र मोख, राजकुमार कार्की निर्देशित चलचित्र धैर्य, सागर केरुङ निर्देशित चलचित्र के–२, हुदुवा खवास निर्देशित चलचित्र घुम्टन आरोहण गुरुकुल विराटनगरमा प्रदर्शन हुने चलचित्रहरू हुन् । यता झापाको बिर्तामोड स्थित पाथीभरा सिने प्लाजामा पनि आज ४ वटा चलचित्र प्रदर्शन गरिँदै छ । भीम लामा निर्देशित चलचित्र लिलामे माइला, नवल खड्का निर्देशित चलचित्र काँडेतार, रबिन श्रेष्ठ निर्देशित चलचित्र युप्पारुङ र दिलिप फुरुम्बो निर्देशित चलचित्र सेमेःवा आज झापामा प्रदर्शन हुने चलचित्रहरू हुन् ।
महोत्सवमा चलचित्र प्रदर्शनसँगै विभिन्न विषयहरूमा अन्तरक्रिया, कार्यशाला, जातीय खानाका स्टल,सांस्कृतिक कार्यक्रम, सम्मान तथा अवार्ड कार्यक्रम गरिँदै आएको मन्त्रालयले जानकारी दिएको छ ।
Discussion about this post