विशेष अनलाइन । फ्राइडे रिलिज अन्तरगत आज शुक्रबारबाट सुरज सुनुवार निर्देशित चलचित्र ‘खजुरे ब्रो’ प्रदर्शनमा आएको छ ।
चलचित्र ‘खजुरे ब्रो’ धरान र आसपासका क्षेत्रमा चर्चित रहेका खजुरे पात्रको कथामा रहेर निर्माण गरिएको हो ।
धरान आसपासमा डुलिहिँड्ने यी पात्रको केही वर्ष अगाडि मृत्यु भइसकेको छ।
चलचित्र निर्माण युनिटले प्रदर्शन अघि काठमाडौ र धरानमा प्रिमियर समेत गरेको थियो । धरान प्रिमियरमा चलचित्र हेर्न बोलाउदा प्रिमियर भनेर बोलाई टिकटमा शुल्क राखिएको भन्दै आलोचना समेत भएको थियो ।
चलचित्रमा रेयर राई, महेश त्रिपाठी, नीति शाह, नविन मानन्धर, प्रकाश भुजेल, बिनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा, सुजाता राई, शान्तिला तामाङ, पवन लिम्बु, दीप चन्द्र राईलगायत कलाकारको अभिनय छ।
कलाकार नविन मानन्धर तथा निर्देशक सुनुवारको निर्माण रहेको चलचित्रमा सुनील श्रेष्ठ, अनिल मानन्धर र पिकेश मानन्धर सह–निर्माता छन् । चलचित्रका कार्यकारी निर्माता डायमण्ड उप्रेती हुन्।
शिशिर बिसंखेको छायांकन रहेको चलचित्रमा मित्र डि गुरूङको सम्पादन छ।
‘मनसरा’ दोस्रो सातामा
यता उत्साहजनक ब्यापार गरिरहेको चलचित्र ‘मनसरा’ दोस्रो सातामा प्रवेश गरेको छ । उपेन्द्र सुब्बा निर्देशित चलचित्रलाई दर्शकले रुचाएका छन् ।
चलचित्र ‘मनसरा’ बाट अभिनेता प्रवीण खतिवडाको प्रसङ्सा भइरहेको छ । चलचित्रमा प्रविण सँगै दयाहाङ राई, मिरुना मगर, मेनुका प्रधान लगायतको अभिनय छ । निर्देशक उपेन्द्र सुब्बाकै लेखन रहेको चलचित्रका निर्माता छायाँकार शैलेन्द्र ध्वज कार्की हुन्।
त्यसैगरी सिजन दाहाल कार्यकारी निर्माता रहेको चलचित्रमा किरण चाम्लिङ राई मुख्य सहायक निर्देशकका रुपमा छन्।
चलचित्रको सहनिर्माता विष्ण कुमार लिम्बु, मनोरथ पोखरेल, पर्शु अधिकारी, पिटर गुरुङ तथा जीवन लिम्बु थाक्लुङ रहेका छन्। चलचित्रको सम्पादन निमेश श्रेष्ठले गरेका हुन् ।
Discussion about this post