विशेष अनलाइन । जेठ १० गतेबाट प्रदर्शनमा आउन लागेको चलचित्र फर्की फर्की को दोस्रो गीत रिलिज भएको छ । सार्वजनिक भएको गीतमा चलचित्रका मुख्य कलाकार अनमोल केसी र जसिता गुरुङ फिचर्ड छन । दुई मुख्य पात्रको विछोडको मनोविज्ञानमा गीत समावेश छ जस्ले चलचित्रको कथा सार, कथावस्तुको महत्वपूर्ण प्लट देखाएकोछ ।
धरानका गायक नरेन लिम्बुको शब्द ,संगीत र स्वर रहेको गीत लाई फर्की फर्की मा समाबेश गरिएको हो । गीतमा फिचर्ड भएका मुख्य कलाकारद्वय अनमोल केसी र जसिता गुरुङको प्रेम बियोगान्तमा पुगेर अन्त्य भएको देखिन्छ ।
रिलिज गीतलाई हेर्दा चलचित्रको समाप्ती निकै रोचक रहेको अकालन गर्न सकिन्छ । फर्की फर्कीको पोस्टर ,टिजर ट्रेलर र टाइटल सङ रिलिज भैसकेको छ । ट्रेलर र टाइटल सङ दर्शकहरुले निकै रुचाएका छन ।
सुयोग गुरुङको लेखन तथा निर्देशनमा तयार भएको यो चलचित्रमा रोहित अधिकारी र ओम प्रकाश अग्रवालको लगानी छ । चलचित्रमा मनोज ओली र रामु न्यौपाने सह–निर्माता हुन भने मोती कार्की र अनीरुद्र गिरी कार्यकारी निर्माता हुन ।
शनिबार सार्वजनिक गीतको शिर्ष गीतमा अभिनेता अनमोल केसी र अभिनेत्री जसिता गुरुङलाई रोमान्टिक अवतारमा प्रस्तुत गरिएको थियो । नरेन्द्र मैनालीको छायांकन, सुरेन्द्र पौडेलको सम्पादन, रोमन बज्रचार्य, नरेन लिम्बूको संगीत, अष्ट महर्जनको द्वन्द्व निर्देशन र शंकर पाण्डे प्रोडक्सन म्यानेजर हुन् । चलचित्रलाई गोविन्द शाहीको काफिया फिल्मस् र कुवेर सिने प्रोडक्सनले वितरण गर्दैछन् ।
Discussion about this post