विशेष अनलाइन । बहु प्रतिक्षित चलचित्र महाजात्राको टिजर सार्वजनिक गरिएको छ । पोस्टर र गीतपछि ‘महाजात्रा’ निर्माण टिमले टिजर सार्वजनिक गरेको हो । केही दिनमा चलचित्रको ट्रेलर सार्वजनिक गर्ने तयारी रहेको चलचित्रका कार्यकारी निर्माता रविन्द्र सिंह बानियाले जानकारी दिएका छन् ।
१ मिनेट १२ सेकेण्डको टिजरमा पैसाका कारण उत्पन्न परिस्थितिलाई प्रस्तुत गरिएको छ । यस भन्दा पहिलेका सफल चलचित्र जात्रा तथा जात्रै जात्राको निरन्तरता महाजात्रामा पनि रहेको चलचित्रको टिजरमा देखाइएको छ । अधिकांश कलाकारहरु पनि दोहोरिएका छन् । चलचित्रमा विपिन कार्की, रविन्द्रसिंह बानियाँ र रविन्द्र झाको शीर्ष भूमिका छ ।
प्रदीप भट्टराईको लेखन तथा निर्देशन रहेको चलचित्रमा हरिवंश आचार्य,राजाराम पौडेल, वर्षा राउत, दिव्यदेव, शिशिर वाङ्गदेल, प्रकाश घिमिरे आदिको समेत अभिनय छ । म्याक्स दीपेश खत्री र यज्ञश्वर पौडेलले चलचित्रको निर्माण गरेका हुन् ।
चलचित्रमा पुरुषोत्तम प्रधानको छायांकन रहेको छ । कुमार महर्जनको द्वन्द्व निर्देशन, कविराज गहतराजको नृत्य निर्देशन र आशिष अविरल सङ्गीतकार रहेको चलचित्र चैत्र ९ गतेबाट अलनेपाल प्रदर्शनको तयारीमा रहेको छ ।
Discussion about this post