विशेष अनलाइन । निर्देशक रिमेश अधिकारीले निर्देशन गर्ने चलचित्र ‘कोतपर्व’को शीर्षमध्येको एक भूमिकामा अभिनेत्री बेनिशा हमाल अनुबन्धित भएकी छन् । यसअघि पुरुष पात्रतर्फको प्रमुख भूमिकामा सौगात मल्ल र रमेश उप्रेती अनुबन्धित भइसकेका छन् । तर उनीहरुले अभिनय गर्ने पात्रबारे खुलाइएको छैन ।
हामीले निर्देशक अधिकारीलाई सोधिउ अभिनेत्री बेनिशा हमाल कस्तो भुमिकामा प्रस्तुत हुदैछिन् ? निर्देहक अधिकारी भन्छन् ”दर्शकले अभिनेत्री हमाललाई जसरी चिनेका छन् ,त्यो भन्दा बिल्कुल फरक भुमिकामा प्रस्तुत हुदैछिन् । बाकी चलचित्रबाट नै खुलाउला ।”
जे भए पनि अभिनेत्री हमाल चलचित्रमा यस अघि भन्दा फरक भुमिकामा प्रस्तुत हुदैछिन् ।
१९०३ असोज २ गते नेपाली राजनीतिमा जंगबहादुर राणाको उदय भएको घटनाको विषयवस्तुमा रहेर चलचित्र निर्माण गर्न लागिएको हो ।
‘कोतपर्व’को छायांकन चैतदेखि काठमाडौं र चितवनमा सुरु गर्ने तयारी गरिएको छ । चलचित्रलाई रिमेश अधिकारी फिल्म प्रोडक्सन र श्रीत फिल्म्स एण्ड इन्टरटेनमेन्टको ब्यानरमा छोटेलाल रौनियार र शारदा खड्का अर्यालले निर्माण गर्न लागेका हुन् ।
चलचित्रको कार्यकारी निर्माता शिव चन्द्र हुन् । चलचित्रमा राजेन्द्र ढकाल र राजाराम सुवाल सह निर्माता छन् भने प्रोडक्सन डिजाइनर पुष्कर लामा हुन् ।
चलचित्रका लागि कथा अनुसारका अन्य पात्रहरु पनि छिटै अनुबन्ध गरिने निर्देशक अधिकारीले जानकारी दिए ।
Discussion about this post