विशेष अनलाइन । चलचित्र रङ्गेली ग्यांगस्टार बन्ने भएको छ । प्लानेट फिल्मस एण्ड प्याराडाइज पिक्चर्सको ब्यानरमा निर्माण हुने चलचित्रको लेखन तथा निर्देशन अर्जुन सुवेदीले गर्ने छन् । हाल चलचित्रको कथामा काम भइरहेको छ । चलचित्र निर्माण युनिटले रङ्गेली ग्यांगस्टारमा अभिनय गर्न चाहने कलाकारको आव्हान गरेको छ ।
चलचित्रको कथाले मागे अनुसारका कलाकारहरू अडिसन मार्फत नै छनौट गरिने निर्माण युनिटले जानकारी दिएको छ । सोही अनुरूप कलाकार छनौटका लागि इटहरीमा अडिसन हुँदै छ । इटहरीमा रहेको पूर्वाञ्चल इन्स्टिच्युट अफ फिल्म एण्ड टेलिभिजनमा साउन २१ गते आइतबार अडिसनको तयारी गरिएको निर्माण युनिटले जानकारी दिएको छ ।
२० देखि ६५ वर्ष सम्मका २० भन्दा धेरै पुरुष कलाकारहरू तथा २४ देखि ६५ वर्ष सम्मका ३ जना महिला कलाकारको आवश्यकता रहेको बताइएको छ । अडिसन आइतबार बिहान १० बजे तय गरिएको छ । थप जानकारीका लागि ९८२०७५८०९० मा सम्पर्क गर्न सकिने छ ।
Discussion about this post