विशेष अनलाइन । चलचित्र ‘नाङ्गो गाउँ’को छायांकन यतिबेला धमाधाम भइरहेको छ । काभ्रेको बेथानचोक गाउँपालिकामा छायांकन भईरहेको चलचित्रको निर्देशन निर्देशक दीपेन्द्र लामाले गरिरहेका छन् ।
चैत्रको १० गतेबाट सुरु भएको छायांकन ३५ दिनसम्म चल्ने निर्देशक लामाले जानकारी दिए । चलचित्रमा दयाहाङ राई, साम्राज्ञी राज्यलक्ष्मी शाह, कार्म, शिशिर वाङ्देल लगायतका कलाकारहरुको अभिनय देख्न पाइने छ ।
मनिष्मा फिल्मस्को ब्यानरमा निर्माण भैरहेको चलचित्रलाई हिमाल शर्माले लगानी गरेका हुन् । चलचित्रमा आलोक शुक्लाको छायांकन छ । निर्देशक लामाले निर्देशन गरेको ‘२ नम्बरी’ यो बर्षको सुपरहिट चलचित्र हो । उनले ‘घामपानी, गोपि, छ माया छपक्कै’ लगायतका चलचित्र पनि निर्देशन गरिसकेका छन् ।
Discussion about this post