पुर्वेली दर्शकको हुटीङमा मख्ख धिरज र अदिती

बिशेष अनलाइन । गत असोज १४ गते बाट रिलीज भएको नेपाली चलचित्र ‘बाबरी’ दोस्रो हप्तामा पनि यतिखेर हाउस फुलका साथ चलिरहेको छ । रिलिज भएको केही दिनमा हलमा शो नपाएपछी प्रेस मीट गरेर फिल्मका निर्देशक सुरेन्द्र पौडेलले चलचित्र बिकास बोर्डको अध्यक्षको राजिनामा सम्म माग्न भ्याएका थिए । प्रेस मीट पछी केही शो हरु पाएपछी प्राय जस्तो हलहरुमा हाउसफुल भएको छ ।

यसरी शो हरु हाउसफुल भएपछी बाबरीका मुख्य कलाकार धीरज मगर र अदिती बुढाथोकी , निर्मात्री पुष्प बुढाथोकी दर्शक सँग भेटघाट गर्न पुर्वका हल हलमा पुगेकाछन । शनिबार दमक को डिम्याक्स र बिर्तामोडको क्यु एफ एक्स मा पुगेर दर्शकसंगै बसेर फिल्म हेरेका छन । धीरज र अदितीको अभिनय बिभिन्न सिनमा दर्शकले हुटिङ्ग दिदा धीरज र अदिती मख्ख थिए ।

दमकको डिम्याक्समा पहिलो हाफमा दर्शक सँग भेटघाट गरेपछी टिम झनै उत्साहित थियो । दर्शकहरुले धीरज अदिती भन्दै बाबरी २ को समेत माग गरेका छन । धीरज र अदितीको जोडी गज्जब मिलेको भन्दै रियलमा झनै राम्रो भएको दर्शक प्रतिकृया थियो ।

दमक बाट टोली बिर्तामोड स्थित क्यु एफ एक्स हलमा अन्तिम शो का दर्शक सँग भेट्न पुगेका थिए । फिल्म सकिन साथ धीरज र अदिती हल भित्र प्रबेश गर्दा युवतीहरु धीरजलाई अङ्गालो हाल्दै भेट्ने सपना पुरा भएको बताए । धीरज र अदितीको उपस्थीत हुने सुनेर फिल्म हेर्न आएका अधिकांश दर्शकले फिल्म आफुहरुले सोचे भन्दा धेरै राम्रो लागेको बताउदै फेरी पनि एकपटक हेर्ने बताएका थिए ।

पुर्वका दर्शकहरुको साथ र माया देखेर आफुहरु निकै खुशी अनी भावुक भएको कलाकारद्वय धीरज र अदितीले बताए । टिम यसरी नै देशभरका सिनेमा हलहरुमा पुगेर दर्शक भेटघाट गर्ने र आईतवार इटहरी स्थित इलाइट सिनेमामा इटहरीका दर्शकहरु सङ्ग भेट्न् ३स्३० बजे पुग्ने बताइएकोछ । यसरी दर्शकहरु सँग भेटघाट फोटो शेसन चलिरहदा क्यु एफ एक्स रहेको वान स्टप मलमा आगलागी भएको थियो ।

दसैँको रमझमको बेला त्यहाँ रहेका पसल प्रायः जसो बन्द अवस्थामा थिए । तत्काल मलको कुन पसलबाट आगलागी भएको भन्ने यकिन हुन नसके पनि सुरक्षाकर्मीले सम्भावित पसलको सटर र त्यसमा लगाइएका ताला तोडेका थिए ।प्रारम्भिक जानकारीअनुसार वान स्टप मलमा रहेको रिद्दी सिद्दी कलेक्सन पसलबाट आगो उठेको जनाइएको छ ।