बिशेष अनलाइन । भारतीय सिने जगतका चर्चित हास्य कलाकार राजपाल यादव नेपाल आइपुगेका छन् । सर्लाहीमा आयोजित एक कार्यक्रमलाई सम्बोधन गर्न उनी शनिबार नेपाल आएका हुन् । सदरमुकाम मलंगवास्थित कवडहलमा आयोजित गोपाल सेवा समितिको नवौँ राष्ट्रिय महाधिवेशनमा प्रमुख अतिथिको रूपमा यादव सर्लाही आएका हुन् । ।
अन स्क्रिनमा मात्र देखिने गरेका कलाकार यादवलाई हेर्न स्थानीय बिहानैदेखि गाउँ-गाउँबाट सदरमुकाम मलंगवा पुगेका थिए । कलाकार यादव भने निर्धारित समयभन्दा ४ घण्टा ढिलो ३ बजेमात्र कार्यक्रम स्थल पुगेका थिए । कलाकार यादवसँग फोटो र सेल्फी लिन भिड उर्लिएपछि आयोजकलाई भीड नियन्त्रण गर्न केही बेर हम्मेहम्मे परेको थियो ।
कलाकार यादवले पानमा दीप प्रज्वलन गर्दै कार्यक्रमको समुद्घाटन गरे । आयोजकको तर्फबाट उनलाई ५६ किलोको मालाले सम्मानसमेत गरिएको थियो ।
Discussion about this post